Sakaria 11:1-17
11 “O Libanon, buka pintu-pintundu,Gelah batang kayu arasndu ipan api.
2 O batang kayu juniper, tangislah kam, perban batang kayu aras enggo ndabuh,Batang kayu si luar biasa enggo ihancurken!
Tangislah kam, o batang kayu ek i Basan,Sebap kerangen tua* enggo keri!
3 Begikenlah! O permakan si nderkuh,Sebap kemulian kalak e enggo kernep,Begikenlah! O singa-singa nguda si erngaum,Sebap rambah i gedang-gedang Lau Jordan enggo ikernepken.
4 “Bagenda nina Jahwe Dibataku, ‘Permakanilah biri-biri si nandangi igeleh.+
5 Kalak si nukur biri-biri e si nggelehsa,+ tapi la ianggap ersalah. Bagenda nina kalak si ndayaken kalak e,+ “Terpujilah Jahwe sebap bayak pagi aku.” Permakan-permakan kalak e pe la rate mekuah man kalak e.’+
6 “Nina Jahwe, ‘La pagi ateKu mekuah man penduduk negri e. Emaka Kuban pagi tiap kalak itindas temanna bage pe rajana. Hancurken kalak e pagi negri e, la pagi Kubebasken ise pe arah tan kalak e.’”
7 Kumulai mpermakani rarasen biri-biri si nandangi igeleh e+ guna kena si susah bas rarasen e. Emaka kubuat dua tongkat. Sada kugelari Kesenangen, sada nari kugelari Persadan.+ Jenari mulai kupermakani biri-biri e.
8 Bas sada bulan, kupengadi telu permakan sebap lanai aku sabar man kalak e, kalak e pe enggo ciga atena aku.
9 Ningku, “Lanai pagi kupermakani kena. Si nandangi mate, pediat saja mate. Si nandangi kernep, pediat kernep. Si nggeluh denga, pediat sipanganen.”
10 Kenca si e, kubuat tongkat Kesenangen+ ras kupotong-potong guna mbatalken perjanjin si kuban ras bangsaku.
11 Emaka perjanjin e ibatalken bas wari e. Kalak si susah bas rarasen e si sangana mperdiateken aku, tehna maka si e kata-kata arah Jahwe.
12 Jenari ningku man kalak e, “Adi nggit kena, bereken upahku. Tapi adi la kena nggit, la padah.” Emaka galari kalak e upahku 30 logam pirak.+
13 Kenca si e nina Jahwe man bangku, “Benterken e ku ingan nimpan erta. Merga kel Aku bas kalak e.”+ Emaka kubenterken 30 logam pirak e ku ingan nimpan erta bas rumah Jahwe.+
14 Kenca si e, kupotong-potong ka tongkat si peduaken eme Persadan,+ gelah peltep perkade-kaden Juda ras Israel.+
15 Nina Jahwe man bangku, “Buatlah peralaten jang sekalak permakan si la erguna.+
16 Sebap Kupediat pagi sekalak permakan ngurus negri e. La pagi urusna biri-biri si nandangi mate,+ si kitik denga la daramina, si luka la tambarina,+ biri-biri si sehat la berena man. Tapi panganina daging biri-biri si mbur,+ cabutina silu-silu biri-biri e.+
17 Cilaka permakan si la erguna e,+ si la mperdiateken rarasen biri-biri e!+
Serang pedang pagi tanna ras matana si sebelah kanan.
Lumpuh pagi tanna,Pentang pagi matana si sebelah kanan.”
Cataten i teruh
^ Ntah “kerangen si lebat.”
