Sakaria 12:1-14
12 Enda berita arah Jahwe nari,Dibata si ngkimbangken langit,+Si erban pondasi doni+Ras si mereken kesah man manusia.
Bagenda nina Jahwe kerna Israel,
2 “Kuban pagi Jerusalem jadi mangkok si risi anggur si erban mabuk bangsa-bangsa si lit i sekelilingna. Juda ras Jerusalem pe ikepung pagi.+
3 Bas wari e, Kuban pagi Jerusalem jadi batu si mberat* man kerina bangsa. Kerina si ngangkatsa pasti pagi luka parah.+ Kerina bangsa i doni pulung pagi guna ngelawan ia.”+
4 Nina Jahwe, “Bas wari e, Kuban pagi tiap kuda mbiar, adon pagi Kuban si nangkihisa. Lalap pagi Kuperdiateken kalak Juda, tapi Kupepentang pagi kerina kuda bangsa-bangsa.
5 Nina kepala-kepala suku Juda pagi bas pusuhna, ‘Penduduk Jerusalem kap gegeh kami, sebap Dibata kalak e eme Jahwe penguasa malekat.’+
6 Bas wari e, Kuban pagi kepala-kepala suku Juda bagi api unggun i tengah kerangen ras bagi obor i tengah biji-bijin* si ergun-gun.+ Pan kalak e pagi kerina bangsa i sekelilingna, si lit i sebelah kananna ntah pe sebelah kirina.+ Penduduk Jerusalem tading pagi i kotana eme i Jerusalem.+
7 “Kemah-kemah Juda pagi si leben iselamatken Jahwe, gelah kemulian keturunen Daud ras kemulian penduduk Jerusalem la belinen asangken Juda.
8 Bas wari e, lindungi Jahwe pagi penduduk Jerusalem.+ Bas wari e, kalak si lemahna pe megegeh pagi bagi Daud, keturunen Daud erkuasa pagi bagi Dibata, bagi malekat Jahwe si erdalan i lebe-lebe kalak e.+
9 Bas wari e, pasti pagi Kukernepken kerina bangsa si ngelawan Jerusalem.+
10 “Kucurcurken pagi kesah si badiaKu man keturunen Daud ras penduduk Jerusalem. Jadi pagi ateKu man kalak e janah ban kalak e pagi pemindon man bangKu. Tatap kalak e pagi kalak si tebakna,+ ngandung pagi kalak e bagi ngandung perban kematen anak si tonggal. Rate ceda pagi kalak e perban ia, bagi rate ceda perban kematen anak sintua.
11 Bas wari e lit pagi sora nderkuh i Jerusalem, bagi sora nderkuh i Hadad-Rimon bas Dataren Megido.+
12 Tangis pagi negri e. Tiap keluarga tangis pagi sekalak-sekalak. Bas keluarga keturunen Daud, si dilaki tangis pagi bas sada kelompok, si diberu pe tangis ka bas sada kelompok. Bas keluarga keturunen Natan,+ si dilaki tangis pagi bas sada kelompok, si diberu pe tangis ka bas sada kelompok.
13 Bas keluarga keturunen Lewi,+ si dilaki tangis pagi bas sada kelompok, si diberu pe tangis ka bas sada kelompok. Bas keluarga keturunen Simei,+ si dilaki tangis pagi bas sada kelompok, si diberu pe tangis ka bas sada kelompok.
14 Kerina keluarga si deban pe ikut tangis. Tiap keluarga tangis pagi sekalak-sekalak janah diberu-diberuna pe tangis bas kelompok si terpisah.
