Sakaria 13:1-9
13 “Bas wari e, lit pagi sumur si igali man keturunen Daud ras penduduk Jerusalem guna mbersihken dosa ras si najis.”+
2 Bagenda nina Jahwe penguasa malekat, “Bas wari e, Kukernepken pagi berhala-berhala arah negri enda,+ gelar kalak e lanai pagi iinget. Kukernepken pagi nabi-nabi palsu+ ras kuasa si najis arah negri enda.
3 Adi lit kalak si ernubuat kerna kai si la tuhu, nina bapak kandungna ras mamak kandungna pagi man bana, ‘Kam arus mate, perban enggo katakenndu kai si la tuhu bas gelar Jahwe.’ Kenca si e, bapak kandungna ras mamak kandungna e nebak ia perban nubuatkenna si la tuhu.+
4 “Bas wari e, kerina nabi palsu ipermelaken pagi perban ernubuat kerna pengenehenen si idatna. Lanai pagi pake kalak e jubah nabi si ermbulu+ guna nipu kalak.
5 Nina nabi e pagi, ‘Aku labo nabi. Perjuma-juma nge aku. Perban sanga aku nguda denga, aku enggo itukur jadi budak.’
6 Adi lit si nungkun man bana, ‘Engkai maka luka-luka dagingndu e?’ nina pagi ngaloi, ‘Aku luka sanga bas rumah teman-temanku.’”*
7 Bagenda nina Jahwe penguasa malekat, “O pedang, medakkenlah,+Serang permakanKu, lawan teman kompakKu.
Serang permakan e+ janah pediat merap rarasen biri-birina.+
Kuangkat pagi tanKu ngelawan kalak si la erguna e.”
8 Nina Jahwe, “I belang-belang negri,Dua pertelu pendudukna ikernepken pagi,Seperteluna ipediat tetap tading i je.
9 Kuuji pagi si sepertelu e,Kumurniken kalak e,Bagi emas ras pirak si imurniken bas api.+
Lebuh kalak e pagi gelarKu,Kualoi pagi kalak e.
NingKu pagi, ‘Kalak e kap umatKu,’+
Ning kalak e pagi, ‘Jahwe kap Dibata kami.’”
Cataten i teruh
^ Ntah “kalak si engkelengi aku.”
