Sakaria 2:1-13
2 Kenca si e, kuidah sekalak dilaki nagangi nali pengukur.+
2 Emaka kusungkun ia, “Ku ja atendu e?”
Nina ngaloi, “Kuukur ateku Jerusalem, gelah kuteh asa kai belangna ras gedangna.”+
3 Kenca si e lawes malekat si ngerana ras aku ndai, jenari reh malekat si deban njumpai ia.
4 Nina man bana, “Meter kam ku jah, kataken bagenda man anak perana e, ‘“Kota Jerusalem+ lanai pagi ertembok, sebap reh buena pagi pendudukna ras asuh-asuhenna.+
5 Aku pagi si jadi tembok api i sekelilingna,+ Kudemi pagi ia alu kemulianKu,”+ nina Jahwe.’”
6 “Iah, meter kam kiam negri utara nari,”+ nina Jahwe.
“Sebap enggo Kuban kena merap ku empat arah,”+ nina Jahwe.
7 “O kena penduduk Sion si tading i Babilon, kiamlah i je nari.+
8 Kenca Jahwe penguasa malekat imuliaken, utusNa aku* man bangsa-bangsa si njarah kena,+ nina, ‘Ise pe si ngkuit kena, anak mataKu kap si kuitna e.+
9 Kuangkat pagi tanKu ngelawan kalak e, budak kalak e pagi si njarah kalak e.’+ Pasti pagi teh kena maka Jahwe penguasa malekat kap si ngutus aku.
10 “O Sion, ersuraklah alu meriah ukur,+ sebap reh pagi Aku janah tading pagi Aku+ i tengah-tengah kena,”+ nina Jahwe.
11 “Bas wari e, enterem pagi bangsa si erpihak man Jahwe.+ Jadi umatKu pagi kalak e, tading pagi Aku i tengah-tengahndu.” Tehndu pagi maka Jahwe penguasa malekat kap si ngutus aku.
12 Ban Jahwe pagi Juda jadi jangNa bas taneh si badia, pilihNa ka pagi mulihi Jerusalem.+
13 O umat manusia, siniklah i lebe-lebe Jahwe sebap sangana Ia ertindak arah ingan tadingNa si badia.
Cataten i teruh
^ Mungkin maksudna malekat.
