Sakaria 3:1-10
3 Kenca si e, cidahken Dibata me Imam si Mbelin Josua+ man bangku. Tedis Josua i lebe-lebe malekat Jahwe janah Setan+ tedis i sebelah kanan Josua guna ngelawan ia.
2 Kenca si e nina malekat Jahwe man Setan, “Mbera-mbera persingeti Jahwe kam o Setan,+ mbera-mbera Jahwe si enggo milih Jerusalem,+ mpersingeti kam! La kin Josua bali nge bagi sada batang kayu si itarik arah api nari?”
3 Tedis Josua i lebe-lebe malekat e, pakena baju si kotor.
4 Nina malekat e man si tedis i lebe-lebena, “Tangtangi bajuna si kotor e.” Kenca si e nina man Josua, “Enggo kumasapken kesalahenndu, pakendu pagi baju si mejile.”+
5 Emaka ningku, “Pakekenlah penutup takal si bersih ku takalna.”+ Emaka pakeken kalak e penutup takal si bersih ku takalna, pakeken kalak e ka bajuna. Sanga si e tedis malekat Jahwe i deherna.
6 Kenca si e bagenda nina malekat Jahwe man Josua,
7 “Bagenda nina Jahwe penguasa malekat, ‘Adi erdalan kam bas dalan-dalanKu janah dalankenndu tanggung jawapndu i lebe-lebeKu, Kuban pagi kam jadi hakim bas rumahKu+ bage pe jadi si ngurus* halamenKu. Kuijinken pagi kam reh ku lebe-lebeKu radu ras kalak si tedis i je.’
8 “‘O Imam si Mbelin Josua bage pe imam-imam si kundul i lebe-lebena, begikenlah, sebap kena kap tanda kerna kai pagi si terjadi. Kuban pagi reh pelayanKu+ si gelarna Tunas!+
9 Nenlah batu si Kutama i lebe-lebe Josua! Bas batu e lit pitu mata. Kuukir pagi tulisen bas batu e. Kumasapken pagi kesalahen negri e bas sada wari,’+ nina Jahwe penguasa malekat.
10 “Bagenda nina Jahwe penguasa malekat, ‘Bas wari e, masing-masing pagi kena ngundang teman kena kundul i teruh batang anggur ras batang ara kena.’”+
Cataten i teruh
^ Ntah “si njaga.”
