Sakaria 7:1-14
7 Bas tahun si peempatken pemerentahen Raja Darius, bas wari peempatken bulan si pesiwahken eme bulan Kislew,* reh kata Jahwe man Sakaria.+
2 Kirim penduduk Betel me Sareser bage pe Regem-Melekh ras anak buahna mindo perkuah ate Jahwe.
3 Sungkun kalak e imam-imam i rumah pertoton Jahwe penguasa malekat ras sungkun kalak e ka nabi-nabi, nina, “Arus kin aku tangis ras puasa bas bulan si pelimaken,+ bagi si kulakoken ertahun-tahun dekahna?”
4 Nina Jahwe penguasa malekat man bangku,
5 “Kataken man kerina rakyat negri e ras imam-imam, ‘Sanga puasa kena ras nderkuh tiap bulan pelimaken ras tiap bulan pepituken+ sedekah 70 tahun enda,+ tuhu-tuhu kin man bangKu kena erpuasa e?
6 Sanga man kena ras minem, la kin guna diri kena nge e?
7 La kin aturna patuhi kena kata-kata Jahwe arah nabi-nabiNa mbarenda?+ Sanga si e lit denga si ngiani Jerusalem ras kota-kota si lit i sekelilingna janah dame keadanna. Negep* ras Sepela pe lit denga si ngianisa.’”
8 Nina Jahwe ka man Sakaria,
9 “Nina Jahwe penguasa malekat, ‘Kena arus ngakimi alu adil.+ Cidahken kekelengen si setia+ ras perkuah ate man kalak si deban.
10 Ula tipu kena janda, anak si la erbapa,*+ kalak asing,+ ntah pe kalak si mesera.+ Ula ban kena rencana jahat man kalak si deban bas pusuh kena.’+
11 Tapi lalap la perdiateken kalak e.+ Lalap kalak e mekeng,+ tutupna cupingna.+
12 Keras kepala kalak e,*+ la kalak e nggit patuh man undang-undang* ras kata-kata Jahwe penguasa malekat, si ipeseh arah kesah si badiaNa arah nabi-nabi mbarenda.+ Emaka merawa kel Jahwe penguasa malekat.”+
13 “‘La kalak e nggit megiken Aku sanga Kulebuh.+ Emaka la Kubegiken kalak e sanga lebuhna Aku,’+ nina Jahwe penguasa malekat.
14 ‘Kumerapken kalak e alu angin badai ku bangsa-bangsa si la tandaina.+ Negri e itadingken, la iurus. La lit si lewat arah e ntah pe mulih ku je,+ perban enggo ubah kalak e negri si mejile e jadi ingan si ngeri.’”
Cataten i teruh
^ Ntah “Selatan.”
^ Ntah “anak melumang.”
^ Ntah “Ban kalak e piher ukurna bagi intan.”
^ Ntah “petunjuk.”