Sakaria 9:1-17
9 Bagenda me berita penghukumen arah Dibata nari:
“Nina Jahwe hukumNa pagi negri Hadrah,Khususna Damaskus.+
Sebap mata Jahwe mperdiateken umat manusia+Bage pe kerina suku Israel.
2 HukumNa ka pagi Hamat+ si erbatasen ras ia,Bage pe Tirus+ ras Sidon+ amin gia pentar kel kalak e.+
3 Tirus mbangun benteng.
Pepulungna pirak bagi abu buena,Pepulungna emas bagi taneh i dalan buena.+
4 Rampas Jahwe pagi ertana,GedapkenNa pasukenna ku laut,*+Keri pagi kotana ipan api.+
5 Idah Askelon pagi si e janah mbiar ia.
Kuatir kel pagi Gasa.
Ekron pe bage, sebap lanai lit si banci arapkenna.
Kernep pagi raja si lit i Gasa,Lanai pagi lit si ngiani Askelon.+
6 Kalak asing pagi si tading i Asdot,Kukernepken pagi kesombongen kalak Pilisti.+
7 Kubuat pagi daging si lit denga darehna arah babah kalak Pilisti,Bage pe pangan si erban ciga ate arah ipenna,Kalak si nggeluh denga jadi jang Dibatata pagi.
Kalak e bali pagi ras kepala suku i Juda,+Ekron bali pagi bagi kalak Jebusi.+
8 Erkemah pagi Aku i lebe-lebe rumahKu guna njagasa,+Gelah la lit si reh ras lawes,Kalak si nindas la pagi lewat arah e,+Sebap gundari enggo Kuidah kai si terjadi man kalak e.*
9 Ermeriah ukurlah, o Sion.
Ersuraklah alu meriah ukur, o Jerusalem,Reh rajandu man bandu.+
Ia adil ras maba keselamaten,*Ia meteruk ukur+ janah nangkihina kelede,Kelede si nguda denga,* anak kelede beruna.+
10 Kukernepken pagi gereta perang arah Eperaim,Bage pe kuda arah Jerusalem.
Panah si ipake bas perang ihancurken pagi.
Umumken rajandu pagi perdamen man bangsa-bangsa,+Erkuasa pagi ia arah laut ku laut,Arah Lau Eprat seh ku ujung-ujung doni.+
11 O Sion, perban dareh perjanjinKu ras kam,Kupedarat pagi pendudukndu si ikurung bas sumur si kerah.+
12 O tabanen si erpengarapen, mulihlah ku benteng,+Bas wari enda, Kukataken man bandu,‘O Sion, alokenndu pagi dua kali lipat pasu-pasu arah Aku nari.+
13 Kubengkokken pagi Juda selaku panahKu.
Kuban pagi Eperaim jadi anak panahna.
Kumedaki pagi anak-anakndu, o Sion,Guna ngelawan anak-anakndu, o Junani,Kuban pagi kam bagi pedang sekalak prajurit.’
14 Cidahken Jahwe pagi maka lit Ia i tengah-tengah umatNa,Kabang pagi anak panahNa bagi kilap.
Jahwe Tuhan Si Meganjangna ngembus trompet tanduk pagi,+Maju pagi Ia erperang bagi badai arah selatan.
15 Jahwe penguasa malekat pagi si mbela kalak e.
Kalak e labo pagi ilukai batu-batu arah pementer batu si iban arah kulit.*+
Minem pagi kalak e, ersurak bagi minem anggur.
Dem pagi kalak e bagi mangkok persembahen,Bagi sudut-sudut ingan nutung* persembahen.+
16 Bas wari e, Jahwe Dibata kalak e nelamatken kalak e pagi,Bagi permakan si nelamatken biri-birina,+Erndilap pagi kalak e i tanehNa bagi permata mahkota.+
17 Luar biasa kel kiniulinNa,+Luar biasa kel kemulianNa!
Pangan ras anggur si mbaruErban anak perana ras singuda-nguda megegeh.”+
Cataten i teruh
^ Ntah banci saja “SerangNa pasukenna i laut.”
^ Mungkin ngidah kesusahen umatNa.
^ Ntah “Kelede jantan.”
^ Ntah “kemenangen.”
