Sepanya 1:1-18
1 Bas jaman Josia+ anak Amon+ raja Juda, reh kata Jahwe man Sepanya.* Sepanya e anak Kusi, Kusi e anak Gedalya, Gedalya e anak Amaria, Amaria e anak Hiskia.
2 Nina Jahwe, “Kumasapken pagi kerina si lit i doni.+
3 Kukernepken pagi manusia ras binatang.
Kukernepken pagi perik-perik i langit ras ikan i laut,+Bage pe kalak jahat ras kai pe si erban kalak erdosa.*+
Kukernepken pagi manusia arah doni nari,” bage nina Jahwe.
4 “Kuangkat pagi tanKu ngelawan JudaBage pe ngelawan kerina penduduk Jerusalem,Kukernepken pagi Baal arah ingan enda ngasa lanai lit si tading,+Kukernepken ka pagi gelar imam-imam dibata palsu bage pe imam-imam palsu,+
5 Kalak si lit i atap guna sujud man pasuken langit pe Kukernepken,+Ras kalak si sujud janah ersumpah setia man Jahwe,+Tapi ersumpah ka ia bas gelar Milkom.+
6 Kukernepken ka kalak si lanai ngikutken Jahwe,+Bage pe kalak si la ndarami Jahwe ntah pe mindo petunjukNa.”+
7 Siniklah i lebe-lebe Jahwe Tuhan Si Meganjangna, sebap wari Jahwe enggo ndeher kap.+
Enggo sikapken Jahwe korban. Enggo pebadiaNa kalak si undangNa.
8 “Aku, Jahwe, Kuhukum pagi peminpin-peminpin,Anak-anak raja si dilaki,+ bage pe kerina kalak si peruisna bagi kalak asing bas wari Kupersembahken korban.
9 Bas wari e, Kuhukum kerina kalak si lit i deher tahta,Si ndemi rumah tuanna alu kekerasen ras tipun.”
10 Nina Jahwe, “Bas wari e,Terbegi pagi sora nderkuh arah Gerbang Ikan nari,+Sora tangis arah Kota si Mbaru e nari,+Bage pe sora runtuh arah bukit-bukit.
11 O kam penduduk Maktes,* nderkuhkenlah,Sebap kerina perbinaga enggo ikernepken.
Kerina si nimbang pirak enggo imasapken.
12 Sanga si e, Kugargari pagi Jerusalem alu maba lampu,Kuhukum pagi kalak si entabeh pergeluhna, si ngataken bas pusuhna,‘Labo pagi lakoken Jahwe si mehuli ntah pe si jahat.’+
13 Ijarah pagi erta kalak e, rumah-rumah kalak e ihancurken.+
Bangun kalak e pagi rumah tapi la inganina.
Suan kalak e pagi batang anggur tapi la inem kalak e lau anggurna.+
14 Wari Jahwe si mbelin enggo ndeher!+
Wari e enggo ndeher, pedas me reh!+
Sora wari Jahwe e erban mbiar.+
Pejuang-pejuang pe nderkuh perban biarna.+
15 Wari e wari rawa si gara,+Wari kesusahen ras ceda ate,+Wari badai ras kehancuren,Wari si seh kel gelapna,+Wari si embunna mbiring ras mekapal,+
16 Wari ngembus trompet tanduk ras nurakken surak-surak perang,+Ngelawan kota-kota si erbenteng ras menara-menara si meganjang si lit i sudut tembok.+
17 Kuban pagi kesusahen man manusia,Erdalan pagi kalak e bagi kalak pentang,+Sebap enggo erdosa kalak e man Jahwe.+
Iamburken pagi dareh kalak e bagi abu,Daging* kalak e bagi kotoren.+
18 Bas wari rawa Jahwe e pagi, pirak ras emas la banci nelamatken kalak e.+
RawaNa bagi api si nutung belang-belang doni,+Perban ngeri kel pagi caraNa engkernepken kerina penduduk doni.”+
Cataten i teruh
^ Ertina “Jahwe Enggo Muniken (Nimpan).”
^ Ntah “tertuktuk.” Banci saja benda ntah pe kegiaten guna nembah berhala.
^ Banci saja daerah si lit i deher Gerbang Ikan i Jerusalem.
^ As. “Usus.”
