Sepanya 2:1-15
2 O bangsa si la meteh mela,+Pulung, pulunglah kena.+
2 Sope keputusen* Dibata terjadi,Sope wari e lewat bagi segal* si kabangken angin,Sope rawa Jahwe si gara reh ku kena,+Sope wari rawa Jahwe reh ku kena,
3 Daramilah Jahwe,+ kena kerina si meteruk ukur i doni,Si ndalanken peraturenNa si benar.
Usahakenlah ngelakoken kai si benar, cidahkenlah sipat meteruk ukur.
Mbera-mbera ibuniken pagi kena bas wari rawa Jahwe.+
4 Itadingken pagi kota Gasa,Lanai pagi lit si ngiani Askelon.+
Ipelawes pagi penduduk Asdot bas ciger wari,Icabut pagi Ekron.+
5 “Cilaka kalak si tading i tepi laut, eme bangsa kalak Kereti!+
Enggo kataken Jahwe maka hukumNa pagi kena.
O Kanaan, negri kalak Pilisti, kam pe Kukernepken nge pagi,Ngasa lanai lit sada pe pendudukna.
6 Jadi mbalmbal pagi daerah i tepi laut,Lit pagi i je sumur man permakan-permakan bage pe kandang batu man biri-biri.
7 Ingan e jadi daerah kalak Juda si nggeluh denga.+
I je pagi kalak e man.
Sanga berngi, medem pagi kalak e bas rumah-rumah Askelon.
Sebap Jahwe Dibata kalak e mperdiateken* kalak e,PepulungNa pagi mulihi umatNa si itaban.”+
8 “Enggo Kubegi hinan arah kalak Ammon+ janah uga Moap+ nokoh-nokohi,Tokohi kalak e umatKu, alu sombong ancamna umatKu guna ngerampas daerah kalak e.+
9 Aku, Dibata si nggeluh ersumpah,” nina Jahwe penguasa malekat, Dibata Israel,“Moap bali pagi bagi Sodom,+Kalak Ammon bagi Gomora,+Ingan si dem alu peren, taneh si ersira, janah tandus seh rasa lalap.+
UmatKu si nggeluh denga njarah kalak e pagi,BangsaKu si nggeluh denga ngerebut daerah kalak e pagi.
10 E kap hasil kesombongen kalak e,+Perban meganjang ukur kalak e, nokoh kalak e man umat Jahwe penguasa malekat.
11 Ban Jahwe pagi kalak e mbiar.
Sebap kernepkenNa pagi kerina dibata i doni enda,Kerina bangsa bas erbage pulau sujud* pagi man baNa,+Bas inganna masing-masing.
12 Kam pe kalak Etiopia, ibunuh pagi kam alu pedangKu.+
13 AngkatNa pagi tanNa ku utara, hancurkenNa Assur,BanNa pagi Niniwe la terurus,+ kerah bagi gurun pasir.
14 Gempang pagi i je erbage asuh-asuhen ras kerina binatang liar.
Burung pelikan ras landak medem pagi i deher tiang-tiangna si enggo runtuh.
Terbegi sora si erban ceda ate arah jendela.
Lit reruntuhen batu bas pintu-pintu masuk.
Papan-papan kayu arasna ipediat kena angin ras udan.
15 Enda kap kota si sombong si aman kapna bana,Si ngataken bas ukurna, ‘Aku kap si hebatna, la lit si banci ibandingken ras aku.’
Ngeri pagi akap kalak ngidah ia,Ia jadi ingan gempang man binatang liar!
Tiap lewat kalak, hina kalak ia janah geleng-geleng kepala kalak e.”+
Cataten i teruh
^ As. “penghakimen.”
^ Ntah “kulit page; kulit gandum; kulit barli.”
^ Ntah “ngurus.”
^ Ntah “nembah.”
