Sepanya 3:1-20
3 Cilaka kota si mberontak, si jahat, janah seh kel kejamna!+
2 La ia nggit megiken,+ la ia nggit ngaloken pengajaren.+
La ia tek man Jahwe.+ La ia nggit ndeheri Dibata.+
3 Peminpin-peminpinna bagi singa si erngaum.+
Hakim-hakimna bagi srigala bas berngi wari.
La lit sepenggel tulan pe tadingkenna ngasa erpagi-pagi.
4 Nabi-nabina la ngergai kalak janah la terteki.+
Najis ban imam-imamna kai si badia.+
Langgarna undang-undang.+
5 Jahwe tading i kota e.+ Ia benar, la lakokenNa kai si salah.
Bagi erpagi-pagi si pasti reh,Pasti katakenNa peraturen-peraturenNa tiap erpagi-pagi.+
Tapi kalak jahat la meteh mela.+
6 “Bangsa-bangsa enggo Kuhancurken. Menara-menarana i sudut tembok enggo itadingken.
Kuhancurken dalan-dalanna emaka la lit sekalak pe si ngelewatisa.
Kota-kotana enggo hancur, lanai lit pendudukna.+
7 NingKu, ‘Arus kam mbiar man bangKu ras alokenlah pengajaren,’*+
Alu bage inganndu tading la ihancurken.+
Arus ia Kuhukum perban si e kerina.
Tapi reh semangatna kalak e ngelakoken kai si jahat.+
8 Nina Jahwe, ‘Tetaplah sabar nimai Aku,+Ngasa seh waktuna Aku reh guna njarah.*
Enggo Kutetapken mpepulung bangsa-bangsa, mpepulung kerajan-kerajan,Guna ngamburken rawaKu man kalak e, rawaKu si gara.+
Sebap rawaKu bagi api si nutung belang-belang doni.+
9 Sanga si e pagi, Kuganti bahasa bangsa-bangsa jadi sada bahasa si murni,Alu bage kerina kalak e banci ngelebuh gelar Jahwe,Gelah ersada nembah Ia.’+
10 Arah daerah lau maler i Etiopia,Kalak si nembah Aku, eme umatKu si enggo merap, maba hadiah pagi man bangKu.+
11 Bas wari e, lanai pagi kapndu mela,Perban kerina perbahanenndu sanga mberontak kam man bangKu.+
Kupelawes pagi kalak si tual arah tengah-tengahndu nari.
Lanai pagi meganjang ukurndu bas gunungKu si badia.+
12 Kupediat pagi kalak si lembut ras meteruk ukur tading i tengah-tengahndu,+Erlindung pagi kalak e bas gelar Jahwe.
13 Kalak Israel si nggeluh denga+ labo pagi ngelakoken kai si jahat.+
La pagi kalak e erbual, la pakena dilahna guna nipu kalak.
Man* pagi kalak e jenari tayang, la lit si erban kalak e mbiar.”+
14 O Sion, ersurak meriahlah!
O Israel, surakkenlah kemenangen!+
O Jerusalem, ermeriah ukurlah arah pusuhndu nari!+
15 Lanai pagi kam ihukum Jahwe.+
Enggo pelawesNa musuhndu.+
Jahwe Raja Israel, ras kam kap.+
Lanai pagi kam mbiar kena cilaka.+
16 Bas wari e, ikataken pagi man Jerusalem,
“O Sion, ula mbiar.+
Ula pediat tanndu lemah.
17 Jahwe Dibatandu, ras kam kap.+
Ia pejuang si megegeh.
Meriah kel pagi ukurNa ngidah kam alu keriahen ukur si mbelin.+
Tenang* pagi kapNa perban kekelengenNa man bandu.
Ersurak pagi Ia perban meriah ukurNa ngidah kam.
18 Kupepulung pagi kalak si erceda ate perban la banci reh ku wari-wari perayanNdu.+
Kalak e la banci reh perban itaban ku negri asing.+
19 Sanga si e, Kulawan pagi kalak si nindas kam.+
Kuselamatken pagi kalak si pincang,+Kupepulung pagi kalak si merap.+
Kuban pagi kalak e ipuji ras terkenalBas kerina negri ingan kalak e ipermelaken.
20 Sanga si e Kupepulung pagi kena,Kubaba kena mulih.
I lebe-lebe mata kena, Kubaba pagi kena mulih arah ingan kena itaban,Kuban pagi kena terkenal ras ipuji+ i tengah-tengah kerina bangsa i doni,” nina Jahwe.+
Cataten i teruh
^ Ntah “persinget.”
^ Ntah banci saja “reh jadi saksi.”
^ Ntah “Nggagat.”
^ Ntah “Puas.”
