Titus 2:1-15
2 Tapi, teruslah cakapkenndu kai si sesuai ras ajaren si benar.*+
2 Man dilaki si tertuan, terkuasaina min perbahanenna, serius, beluh rukur, paguh bas kiniteken, bas kekelengen, ras setia.*
3 Bage ka pe, diberu si tertuan, hamatina min Dibata arah perbahanenna, la tukang pitnah, la jadi budak anggur, tapi jadi guru bas si mehuli,
4 gelah banci persingetina diberu si terngudan guna engkelengi dilakina bage pe anak-anakna,
5 beluh rukur, bersih lagu langkahna, beluh ngurus rumah tanggana, mehuli, janah patuh man dilakina.+ Alu bage kata Dibata la ihina.
6 Bage ka pe, teruslah persingeti dilaki si terngudan gelah beluh rukur,+
7 janah jadi usihenlah kam bas kai pe guna ngelakoken si mehuli. Tutuslah ngajarken kai si benar.*+
8 Pakelah kata-kata si benar* si la banci ipandangi kalak,+ alu bage mela akap kalak si nentang kita, perban la lit si la mehuli si banci katakenna guna nentang kita.+
9 Budak arus patuh man tuanna bas kai pe,+ usahakenna erban tuanna senang, la njawapi,
10 la nangko,+ tapi buktikenna maka ia terteki. Alu bage, bas kai pe banci banna reh jilena pengajaren Dibata Si Nelamatken kita.+
11 Sebap kiniulin Dibata si luar biasa enggo jelas teridah, janah e nelamatken erbage-bage jelma.+
12 KiniulinNa e ngajari kita nulak si la ngena ate Dibata, nulak sura-sura doni,+ ngajari kita beluh rukur, nggeluh alu cara si benar, janah setia man Dibata bas doni* si gundari enda,+
13 janahta nimai arapen si erban meriah ukur+ bage pe nimai kemulian Dibata Si Madakuasa ras kemulian Juru Selamatta Jesus Kristus teridah.
14 Enggo korbanken Kristus dirina guna mbebasken* kita+ arah kerina pelanggaren nari, janah bersihkenna kita gelah banci jadi umatna si istimewa, si semangat ngelakoken kai si mehuli.+
15 Alu kuasa si lit bas kam, teruslah cakapken kerna si enda janah teruslah bereken nasehat* bage pe persinget.+ Ula pediat ise pe sepele man bandu.
Cataten i teruh
^ Ntah “erguna.”
^ Ntah “megenggeng.”
^ Ntah “serius.”
^ Ntah “erguna.”
^ As. “nebus.”
^ Ntah “bereken kata si mpegegehi.”