Ulangen 32:1-52
32 “O langit, begikenlah, ngerana ateku,O doni, begikenlah kata-kata si kubelasken.
2 Pengajarenku bagi udan,Kata-kataku bagi taktak remang,Bagi udan rintik-rintik ku datas dukut-dukut,Bagi udan si meder ku datas sinuan-sinuan.
3 Kuberitaken pagi gelar Jahwe.+
Kuceritaken kerna kehebaten Dibatata!+
4 Ia bagi Gunung Batu, sempurna perbahanenNa,+Kerina dalan-dalanNa adil.+
Ia Dibata si setia+ janah Ia labo pernah la adil,+Ia benar janah adil.+
5 Perbahanen kalak e jahat.+
Kalak e labo anak-anakNa, si e perban kesalahen kalak e.+
Kalak e keturunen si jahat ras penipu!+
6 O kalak bodoh ras si la rukur,+Bage kin arusna perbahanen kena man Jahwe?+
La kin Ia nge Bapak kena si erban kena lit?+
La kin Ia nge si njadiken kena janah si erban kena jadi sada bangsa?
7 Ingetlah wari-wari si enggo lewat,Ukurilah tahun-tahun si enggo lewat.
Sungkun bapak kena, pasti ceritakenna man kena,+Sungkun peminpin-peminpin kena, pasti katakenna man kena.
8 Sanga bereken Dibata Si Meganjangna warisen man bangsa-bangsa,+Sanga merapkenNa keturunen Adam,*+TentukenNa batas bangsa-bangsa e,+Menurut jumlah keturunen Israel.+
9 Sebap jangNa kap umat Jahwe,+Payo, warisenNa kap Jakup.+
10 DatNa kalak e bas taneh mesawang,*+Taneh si kosong si dem sora binatang.+
LindungiNa kalak e janah urusNa,+JagaNa kalak e bagi anak mataNa.+
11 Bagi kuliki si ngkusur-kusur asarna,Kabang ia engkelilingi anak-anakna,Kimbangkenna kabengna, ibuatna anak-anakna e,Babana anak-anakna e i datas kabengna,+
12 Jahwe kap si negu-negu Jakup,+La lit dibata si deban ras ia.+
13 Ban Dibata ia naluken ingan-ingan si meganjang bas doni,+Emaka banci panna hasil juma.+
Bereken Dibata ia madu arah tebing batu nari,Minak arah gunung batu nari,
14 Susu arah biri-biri ras mentega arah susu lembu.
BerekenNa ka biri-biri pilihen,*Biri-biri jantan arah Basan ras kambing jantan,Radu ras gandum si mejilena,+Inemndu lau anggur arah jus anggur.
15 Sanga Jesurun* reh burna, nipak-nipak ia janah mberontak.
Kam enggo mbur, mbestang, janah galang.+
Emaka tadingkenna Dibata si njadiken ia,+Rendahkenna Gunung Batu keselamatenna.
16 Ban kalak e Ia merawa perban dibata-dibata si deban,+Ban kalak e Ia sakit hati alu perbahanen si erban ciga ate.+
17 Persembahken kalak e korban man malekat-malekat jahat, labo man Dibata,+Man dibata-dibata si la tandai kalak e,Eme dibata-dibata si mbaru denga lit,Dibata-dibata si la tandai nini bulang kalak e.
18 Lupaken kena bapak kena eme Dibata si bagi Gunung Batu,+La inget kena Dibata si erban kena lahir.+
19 Sanga idah Jahwe si e, tulakNa kalak e,+Sebap anak-anakNa enggo erban Ia sakit hati.
20 Emaka nina, ‘Lanai Kutulihken kalak e,+Kunen pagi kai si terjadi man kalak e.
Sebap kalak e keturunen si papak,+Anak-anak si la setia.+
21 Merawa* Aku ban kalak e perban sembahna dibata-dibata palsu,+Sakit hati Aku ban kalak e perban berhala-berhalana si la erguna.+
Kuban pagi kalak e cemburu alu make bangsa si deban,+Kuban pagi kalak e sakit hati alu make bangsa si bodoh.+
22 RawaKu gara bagi api,+Gurlah seh ku Kuburen* si mbages,+Tutungna doni ras hasilna,Tutungna palas gunung-gunung.
23 Reh buena Kuban masalah kalak e,Kerina anak panahKu Kupanahken man kalak e.
24 Lanai pagi kalak e ergegeh perban lihena,+Kena demam tinggi kalak e janah ikernepken alu cara si luar biasa.+
Kukirim pagi binatang buas man kalak e+Ras nipe si erbisa si nggeluh i taneh.
25 I darat rumah, tangis pagi kalak e ban pedang,+Bas rumah, mbiar kalak e,+Anak perana ras singuda-nguda,Anak si kitik denga bage pe si enggo metua.+
26 Banci saja ningKu, “Kumerapken pagi kalak e,Kuhapus pagi kenangen kerna kalak e arah manusia nari,”
27 Tapi kuatir Aku uga pagi nina musuh,+Perban banci pagi salah sangka musuh e.+
Banci saja nina kalak e, “Kami menang perban kami megegeh,+Labo Jahwe si ngelakoken kerina e.”
28 Sebap Israel bangsa si la lit pengertinna,*Sitik pe la erpengangka.+
29 Bicara pentar min ndai kalak e,+ pasti ukurina kerina e,+Pasti ukuri kalak e kai akibatna.+
30 Uga maka banci sekalak jelma ngayaki 1.000 kalak?
Dua kalak jelma erban 10.000 kalak kiam?+
E terjadi perban kalak e enggo idayaken Dibatana si bagi Gunung Batu,+Enggo serahken Jahwe kalak e man musuh.
31 (Dibata kalak e la bagi Dibatata si bagi Gunung Batu,+Musuh-musuhta pe meteh kerna si e.)+
32 Kalak e bagi batang anggur arah Sodom,Arah kebun-kebun Gomora.+
Buah anggur kalak e lit racunna,Tandan-tandanna pagit.+
33 Lau anggur kalak e bagi bisa nipe,Racun nipe kobra si bahaya.
34 Kerina perbahanen kalak e Kusimpan,Tertutup rapat bas gudangKu.+
35 HakKu kap pembalasen ras penghukumen,+Seh pagi waktuna nahe kalak e celus,+Sebap wari kehancuren kalak e enggo ndeher,Kai si nandangi terjadi man kalak e pedas pagi reh.’
36 Jahwe pagi si ngakimi umatNa,+Mekuah pagi ateNa man pelayan-pelayanNa+Sanga idahNa kalak e lanai ergegeh,Si lemah ras si enggo keri gegehna ngenca si tading.
37 Nina pagi, ‘I ja dibata-dibata kalak e,+Gunung batu ingan kalak e erlindung,
38 Si biasa man lemak arah korban* si bereken kalak e,Si minem lau anggur arah persembahen inemen kalak e?+
Suruh dibata-dibata e reh nampati kalak e.
Suruh dibata-dibata e jadi ingan kalak e erlindung.
39 Gundari enggo teh kena maka Aku kap Dibata,+Selain Aku, la lit dibata.+
Aku si munuh, Aku si erban nggeluh.+
Aku si ngelukai,+ Aku si erban malem,+Ise pe la banci ibebasken arah tanKu nari.+
40 Kuangkat tanKu ku langitJanah ningKu, “Aku, Dibata si nggeluh rasa lalap, ersumpah,”+
41 Adi Kupetelap pedangKu si erndilap,Janah enggo ersikap Aku guna ngakimi,+Kubalas pagi musuh-musuhKu,+Kuhukum kalak si rate segat man bangKu.
42 Anak-anak panahKu pasti mabuk perban dareh,Dareh kalak si ibunuh ras itaban,PedangKu man daging pagi,Arah takal peminpin-peminpin musuh.’
43 Ermeriah ukurlah bangsa-bangsa radu ras umat Dibata,+Sebap banNa pagi pembalasen guna dareh pelayan-pelayanNa,+BalasNa pagi musuh-musuhNa,+Ras pebadiaNa pagi negri umatNa.”
44 Bage me Musa ras Hoshea*+ anak Nun reh janah mpeseh kerina isi lagu e i lebe-lebe bangsa e.+
45 Kenca peseh Musa kerina kata-kata e man kerina kalak Israel,
46 nina man kalak e, “Tamakenlah ku pusuh kena kerina persinget si kupeseh wari enda,+ gelah banci suruh kena anak-anak kena ndalanken kerina Undang-Undang e alu tutus.+
47 Sebap enda kerina labo terjeng kata-kata, tapi e kap kegeluhen kena.+ Kerina enda banci erban gedang umur kena bas negri si nandangi rebut kena kenca sebrangi kena Lau Jordan.”
48 Bas wari e nina Jahwe ka man Musa,
49 “Nangkihlah ku daerah Gunung Abarim+ ku Gunung Nebo+ si lit i negri Moap, si pengalana ku Jeriho. Tataplah negri Kanaan si nandangi Kubereken jadi warisen man kalak Israel.+
50 Kenca si e mate pagi kam i datas gunung si nandangi nangkihindu e, ikuburken pagi kam bagi nini bulangndu, bagi seninandu Harun si mate i Gunung Hor+ si ikuburken bagi nini bulangna.
51 Sebap duana kena la setia man bangKu i tengah-tengah kalak Israel. Sanga kena i Mata Lau Meriba+ i deher Kades si lit i Taneh Mesawang* Sin, la pebadia kena Aku i tengah-tengah kalak e.+
52 Tatapndu pagi negri e arah dauh-dauh nari, tapi labo pagi kam masuk ku negri si Kubereken man kalak Israel.”+
Cataten i teruh
^ Ntah banci saja “umat manusia.”
^ Taneh si mbelang si jarang iingani.
^ As. “lemak biri-biri.”
^ Ertina “Kalak si Bujur,” eme gelar kehamaten man Israel.
^ Ntah “Cemburu.”
^ Ntah banci saja “si la megiken nasehat.”
^ Ntah “Si biasa man korban si mehulina.”
^ Eme gelar asli Josua. Hoshea eme singkaten arah Hosyaya, si ertina “Iselamatken Jahwe; Jahwe enggo nelamatken.”
^ Taneh si mbelang si jarang iingani.