Ulangen 33:1-29
33 Enda me pasu-pasu si kataken Musa pelayan Dibata si benar man kalak Israel sope ia mate.+
2 Nina,
“Reh Jahwe arah Sinai nari,+TerangiNa kalak e arah Seir nari.
Ersinar kemulianNa arah gunung-gunung daerah Paran nari,+Lit ras Ia puluhen ribu malekatNa si badia,+I sebelah kananNa lit prajurit-prajuritNa.+
3 Keleng ateNa man umatNa,+Kerina umat si badia lit bas tanNdu.+
Kundul kalak e i deher naheNdu,+Begiken kalak e pagi kata-kataNdu.+
4 (Bereken Musa man banta perentah ras undang-undang,+Si jadi jang keturunen* Jakup.)+
5 Jadi raja pagi Ia i Jesurun,*+Sanga peminpin-peminpin bangsa e pulung+Radu ras kerina suku Israel.+
6 Mbera-mbera suku Ruben nggeluh janah la mate,+Mbera-mbera kalak e la reh sitikna.”+
7 Enda pasu-pasu si katakenna man suku Juda,+
“O Jahwe, begikenlah sora Juda,+Mbera-mbera babaNdu ia mulih ku bangsana.
Alu gegehna enggo erjuang ia guna kai si lit bas ia,Mbera-mbera sampatiNdu ia ngelawan musuh-musuhna.”+
8 Kerna suku Lewi nina,+
“Urim ras TumimNdu*+ jang kalak si setia man baNdu,+Si ujiNdu i Masa.+
Erjengil Kam ras ia bas Mata Lau Meriba,+
9 Kalak Lewi la ergaina bapakna ras mamakna.
La akuina seninana,+La diatena anak-anakna.
Tapi patuhina kata-kataNdu,Janah setia man perjanjinNdu.+
10 Mbera-mbera ajari kalak e Jakup kerna peraturen-peraturenNdu+Bage pe Israel kerna Undang-UndangNdu.+
Mbera-mbera persembahken kalak e kemenyan si merim akapNdu+Ras kerina persembahen i datas ingan nutung* persembahenNdu.+
11 O Jahwe, pasu-pasulah gegehna,Mbera-mbera meriah ukurNdu bas kerina pendahinna.
Hancurken nahe* kalak si ngelawan ia,Gelah kalak si rate segat man bana lanai banci tedis.”
12 Kerna suku Benyamin nina,+
“Mbera-mbera kalak si ikelengi Jahwe aman akapna tading i deherNa.
Sanga lindungiNa ia gedang-gedang wari,Tading pagi ia i datas gurungNa.”
13 Kerna keturunen Jusup, nina,+
“Mbera-mbera pasu-pasu Jahwe tanehna+Alu si mehulina arah langit nari,Alu namur bage pe lau si reh arah teruh taneh nari,+
14 Alu si mehulina si turah perban matawari,Alu hasil si mehulina tiap bulan,+
15 Alu si mehulina arah gunung-gunung si mbarenda,*+Alu si mehulina arah bukit-bukit si enggo ndekah lit,
16 Alu si mehulina arah doni ras isina,+Alu si mehulina arah Dibata si pernah ncidahken diriNa bas peren duri.+
Mbera-mbera e kerina terjadi man Jusup,Kalak si ipilih arah senina-seninana.+
17 Gegehna bagi lembu jantan si pertama lahir,Tandukna eme tanduk lembu jantan liar.
Alu tandukna e sorongna bangsa-bangsaKerina e seh ku ujung-ujung doni.
Kalak e eme puluhen ribu kalak Eperaim,+Kalak e eme ribun kalak Manase.”
18 Kerna suku Sebulon nina,+
“O Sebulon, ermeriah ukurlah bas bisnisndu,*O Isakar, ermeriah ukurlah bas kemah-kemahndu.+
19 Lebuh kalak e pagi bangsa-bangsa ku gunung.
I je persembahken kalak e pagi korban-korban si benar.
Sebap buat kalak e pagi kebayaken si seh buena arah laut nariRas erta si terbuni arah kersik nari.”
20 Kerna suku Gat nina,+
“Ipasu-pasu pagi kalak si mpebelang daerah Gat.+
Gempang ia i je bagi singa,Ersikap ia ncabik-cabik tan ras takal.
21 Pilihna pagi bagin si pertama man bana,+Eme bagin si sikapken kalak si mereken undang-undang.+
Pulung pagi peminpin bangsa e.
Dalankenna pagi keadilen Jahwe,Bage pe peraturen-peraturenNa man Israel.”
22 Kerna suku Dan nina,+
“Dan bagi anak singa.+
Lompat pagi ia ndarat arah Basan.”+
23 Kerna suku Naptali nina,+
“Puas akap Naptali perban ngena ate Jahwe ia,Melala pasu-pasuNa man bana.
Buatna daerah barat ras selatan.”
24 Kerna suku Aser nina,+
“Ipasu-pasu pagi Aser, enterem pagi anakna.
Mbera-mbera jadi ate senina-seninana ia,Mbera-mbera burihina nahena bas minak.
25 Besi ras tembaga jadi gembok gerbangndu,+Aman pagi kapndu segedang geluhndu.
26 La lit Dibata si benar+ si bagi Dibata Jesurun,+Si ngelewati langit guna nampati kam,Si ngelewati embun-embun alu kemulianNa.+
27 Mulai mbarenda nari Dibata kap ingan erlindung,+Rasa lalap pagi tanNa natang kam.+
PelawesNa pagi musuh-musuh arah lebe-lebendu nari,+Nina, ‘Kernepken kalak e!’+
28 Aman pagi akap Israel tading i je,Dame akap keturunen Jakup,Bas negri si mbue biji-bijin* ras anggur si mbaru,+Si naktaken embun arah langitna nari.+
29 O Israel, ermeriah ukurlah!+
La lit si bagi kam,+Bangsa si selamatken Jahwe.+
Ia bagi perisai* si ngelindungi kam,+Bagi pedang si hebat.
Musuh-musuhndu nggirgir i lebe-lebendu,+Perjakindu pagi gurung* kalak e.”
Cataten i teruh
^ As. “runggun.”
^ Ertina “Kalak si Bujur,” eme gelar kehamaten man Israel.
^ Ntah “awak.”
^ Ntah banci saja “gunung-gunung si lit i timur.”
^ Ntah “bas perdalanen bisnisndu.”
^ Ntah “ampang-ampang.”
^ Ntah banci saja “ingan-ingan si meganjang.”
