Ulangen 34:1-12
34 Kenca si e lawes Musa arah Gurun Pasir Moap nari nangkih ku Gunung Nebo+ eme ku puncak Pisga+ si pengalana ku Jeriho.+ Cidahken Jahwe negri e man bana mulai Gileat nari seh ku Dan,+
2 kerina daerah Naptali, daerah Eperaim ras Manase, kerina daerah Juda seh ku laut sebelah barat,*+
3 Negep,*+ Daerah Jordan,+ lembah Jeriho eme kota batang kurma seh ku Soar.+
4 Kenca si e nina Jahwe man bana, “Enda negri si Kujanjiken alu sumpah man Abraham, Isak, ras Jakup, sanga ningKu, ‘Kubereken pagi enda man keturunenndu.’+ Kubere tatapndu negri e, tapi labo kam ikut nyebrang ku je.”+
5 Kenca si e mate Musa pelayan Jahwe e i negri Moap bagi si enggo kataken Jahwe.+
6 KuburkenNa ia i lembah si lit i Moap si pengalana ku Betpeor. Ise pe la metehsa i ja kuburenna seh asa gundari.+
7 Umur Musa 120 tahun sanga ia mate.+ Jelas denga pengidahna janah megegeh denga ia.
8 Tangisi kalak Israel Musa i Gurun Pasir Moap.+ Tangis kalak e janah erceda ate dem 30 wari dekahna.
9 Josua anak Nun dem alu kepentaren, sebap enggo tamaken Musa tanna ku datas takal Josua janah lantikna ia.+ Mulai begiken kalak Israel Josua janah lakoken kalak e bagi si perentahken Jahwe man Musa.+
10 Tapi lanai pernah lit nabi si bagi Musa bas Israel,+ si ndeher kel* ras Jahwe.+
11 Alu perentah Jahwe, ban Musa erbage tanda ras mukjizat i negri Mesir man raja Mesir, man kerina pelayanna, ras kerina negrina.+
12 Alu tan si megegeh ras gegeh si luar biasa, cidahken Musa perbahanen si luar biasa e i lebe-lebe kerina kalak Israel.+
Cataten i teruh
^ Maksudna, Laut Besar ntah pe Laut Tengah.
^ Ntah “Selatan.”
^ As. “si pedempak ayo.”