Ulangen 8:1-20
8 “Tutuslah ate kena matuhi kerina undang-undang si kubereken man kena bas wari enda. Alu bage, banci kena tetap nggeluh,+ reh teremna, janah banci kena masuk ras ngerebut negri si enggo janjiken Jahwe alu sumpah man nini bulang kena.+
2 Ingetlah uga Jahwe Dibata kena mabai kena bas perdalanen si gedang i taneh mesawang* si dekahna 40 tahun.+ BanNa bage gelah meteruk ukur kena+ bage pe guna mereksa isi pusuh kena,+ patuh nge kena man perentah-perentahNa ntah lang.
3 PeterukNa ukur kena janah pediatNa kena kelihen,+ jenari bereNa kena manna+ eme pangan si lenga pernah teh kena bage pe nini bulang kena. Alu bage sadar pagi kena maka manusia nggeluh labo arah roti saja tapi arah tiap kata si kataken Jahwe.+
4 Sedekah 40 tahun e, baju si pake kena la ceda janah nahe kena pe la bengkak.+
5 Enggo jelas teh kena maka bagi sekalak bapak mpersingeti anakna, bage ka nge Jahwe Dibata kena mpersingeti kena.+
6 “Arus patuhi kena perentah-perentah Jahwe Dibata kena, alu terus ngikutken dalan-dalanNa janah mbiar man baNa.
7 Sebap babai Jahwe Dibata kena pagi kena ku negri si mejile,+ si melala i je lau maler, mata lau, ras sumber lau si maler i lembah bage pe i daerah pegunungen.
8 Bas negri e, melala gandum, barli, anggur, buah ara, buah delima,+ minak saitun, ras madu.+
9 Bas negri e, labo kena banci kelihen janah labo kena kurang kai pe. Batu-batu bas negri e lit biji besina, bas gunung-gunungna lit tembaga.
10 “Kenca enggo besur kena man, arus puji kena Jahwe Dibata kena perban enggo berekenNa negri si mejile e man kena.+
11 Ula sempat lupaken kena Jahwe Dibata kena alu la matuhi perentah-perentahNa, undang-undangNa, bage pe peraturen-peraturenNa si enggo kupeseh man kena wari enda.
12 Adi enggo besur kena man janah bangun kena rumah si mejile jenari tading kena i je,+
13 janah reh buena asuh-asuhen kena, emas ras pirak kena bage pe kerina si lit bas kena,
14 ula sempat kena meganjang ukur+ janah ula lupaken kena Jahwe Dibata kena, si enggo maba kena ndarat arah Mesir eme ingan kena iperbudak.+
15 BabaiNa kena ngelewati taneh mesawang* si mbelang si seh kel ngerina,+ melala i je nipe si erbisa ras kalajengking, tanehna kerah, la lit launa. BanNa ndarat lau arah batu si piher.+
16 I taneh mesawang* bereNa kena manna+ eme pangan si la itandai nini bulang kena. BanNa bage gelah meteruk ukur kena+ bage pe guna nguji kena gelah sikap pergeluh kena bas wari si pepagi.+
17 Ula sempat ning kena bas pusuh kena, ‘Perban kuasaku ras gegehku nge maka aku bayak.’+
18 Ingetlah maka Jahwe Dibata kena nge si mereken gegeh man kena guna ndatken kebayaken e.+ BanNa bage guna nepati janjiNa man nini bulang kena, bagi si lakokenNa seh ngasa gundari.+
19 “Bas wari enda kupersingeti kena, adi sempat lupaken kena Jahwe Dibata kena janah ikutken kena dibata-dibata si deban ras sembah kena, bage pe sujud kena man bana, pasti kena kernep.+
20 Kernep pagi kena bagi bangsa-bangsa si kernepken Jahwe i lebe-lebe kena adi la begiken kena kata-kata Jahwe Dibata kena.+
Cataten i teruh
^ Taneh si mbelang si jarang iingani.
^ Taneh si mbelang si jarang iingani.
^ Taneh si mbelang si jarang iingani.
