PENUNGKUNEN 2
Uga Carana Erlajar kerna Dibata?
“Undang-Undang enda arus terus cakapkenndu janah arus bacandu ras ukurindu suari ras berngi, gelah banci dalankenndu kerina si tertulis bas Undang-Undang e. Alu bage berhasil pagi kam janah pentar kam bas ngelakoken kai pe.”
“Lalap bacaken kalak e buku Undang-Undang Dibata si benar, iterangkenna alu jelas janah katakenna kai ertina. Bage me kalak e nampati rakyat gelah angkai rakyat kai si sangana ibacaken.”
“Ermeriah ukur kap kalak si la ngikutken pedah kalak jahat . . . , tapi ngena kel atena undang-undang Jahwe, bacana ras ukurina undang-undangNa e suari ras berngi. . . . Berhasil me kerina si lakokenna.”
“Kiam Pilipus i samping gereta e janah begina dilaki e mbaca kitap Nabi Jesaya. Sungkun Pilipus ia, ‘O Pak, angkandu nge kai si bacandu e?’ Nina, ‘Ja nge banci kuangka, adi la lit si ngajari aku?’”
Perbahanen Rasul-Rasul 8:30, 31
“Mulai kin doni iciptaken, sipat-sipatNa si la teridah eme kuasaNa si rasa lalap ras kedudukenNa selaku Dibata, jelas kap teridah arah ciptanNa. Emaka la banci kataken kalak e Dibata e la lit.”
“Ukurilah si enda kerina alu mbages janah tuhu-tuhulah perdiateken, gelah kerina kalak ngidah kemajunndu alu jelas.”
“Mari siperdiateken sada ras si debanna gelah siiah-iahen kita bas engkelengi ras ncidahken perbahanen si mehuli. Ula kita la reh ku perpulungen.”
“Adi lit bas kena si kurang pentar, teruslah ia mindo man Dibata, pasti alokenna. Sebap meriah akap Dibata melala mere man kerina kalak, labo Ia merawa.”
