PENUNGKUNEN 18
Uga Carana gelah Banci Kita Ndeher ras Dibata?
“O Dibata, Kam kap Si Megiken toto, kerina pagi kalak reh man baNdu.”
“Teklah man Jahwe alu bulat ukurndu, ula andalken pengertinndu. Ingetlah Dibata bas kerina si lakokenndu, alu bage banNa pagi kam berhasil.”
“Adi tandai kalak maka Kam ngenca Dibata situhu-tuhu, janah tandaina Jesus Kristus si isuruhNdu, alokenna pagi kegeluhen si rasa lalap.”
“Situhuna, [Dibata] labo ndauh arah kita nari sekalak-sekalak.”
“Terus kutotoken gelah reh tambahna kekelengen kena, gelah benar pemeteh kena, gelah mbages pengangkan kena.”
“Adi lit bas kena si kurang pentar, teruslah ia mindo man Dibata, pasti alokenna. Sebap meriah akap Dibata melala mere man kerina kalak, labo Ia merawa.”
“Rembakkenlah diri kena ku Dibata, emaka rembakkenNa ka diriNa man kena. Bersihken tan kena, o kalak si erdosa. Bersihken pusuh kena, o kalak si erdua ukur.”
“Engkelengi Dibata ertina patuh man perentah-perentahNa. PerentahNa e labo mberat.”