Ye ô nga tu’a fo’o lañe minlô mejô ya Nkume mmombô a bete ya mbu wu? Tame yen nge ô ne ngule ya yalane minsili mi:

Bibotane bivé bia ye bi éyoñe bia nyoñ éyoñe ya kobô a Yéhôva, éyoñe bia vô’ôlô nye a éyoñe bia bindi mam a ye’ele bia?

Bii nyoñe mbamba mintyi’an, bii bo mbamba beye’ele, bii bi ngule mbunan, a nye’ane bia nye’e Yéhôva wo ye tu’a bo ngul.​—w22.01, af. 30-31.

Bibotane bivé bii bi nge bia tabe Yéhôva ndi a bôt a nga télé na be wulu ékôane jé?

Éyoñe ji je ñhe bia yiane jeñe na bi tabe mimboane mi mam mi Yéhôva ndi, teke jeñe na bi dôngane bemvendé éyoñe ba ve bia meleb nge ki éyoñe ba nyoñ mintyi’ane miziñ. Éyoñe beta étibela’a é kui, bia ye tabe nkômesane ya tôñe melebe bé ve bia to’o mé yené ayaé ya wôk nge ke ayaé ya tôñ.​—w22.02, af. 4-6.

Jé éngele a mbe a kômbô’ô jô éyoñ a nga jô Zacharie na “atyi étyé é ne mo me [Ngovina] Zorobabel”? (Zac. 4:8-10)

Ñyenan ôte ô nga volô Bejuif na be tabe ndi na bé mane lôñe mfefé temple, a na temple ate a ye tôé nsôñane Yéhôva.​—w22.03, af. 16-17.

Aval avé bi ne bo mbamba “éve’ela . . . mfa’a ya nkobô”? (1 Tim. 4:12)

Éyoñ bia kobô bôte bevok évôvoé été a ésemé ése éyoñe bi ne nkañete, éyoñ bia yia bia a nlem ôse a ve mbamba biyalan éyoñ bi ne bisulan, a éyoñ bia kobô mejô ma ve bôte bevok ngule nyul a sa’ale minkobô mi ne balé be.​—w22.04, af. 6-9.

Amu jé mendeme ya betite benyin (bijôé) kalate Daniel kabetôlô 7 a jôô me ma yené tite jia kalate Nlitan 13:1, 2 a jôô je?

Tit kalate Nlitan 13 a jôô je é nji bo ndeme ya ngum ayoñ da jôé si éziñ, ane Rome. Tit éte é ne bijôé bi pôlitik bise bi jaéya zu bia jôé bone be bôt.​—w22.05, af. 9.

Aval avé bi ne liti na bi too ndi a zôsô Yéhôva?

Nge môt éziñ a taa bia, nge soñe bia, nge bo bia mbia jam, bi nji yiane kun biabebien nge ke ba’ale ôviti’i ziñ, bia yiane jô’é jam ete mo me Yéhôva. A ye mane kôme minju’u mise abé é nga soo mie.​—w22.06, af. 10-11.

Jam avé mojañ a bo meye’elan ésulan a nji yiane vuan?

Meye’elan me nji bo zene ya leb akônda nge ke kalane mefoé. Éyoñe bia ye’elan, é nji bo mfi na bi “jaé kobô” e dañe dañ éyoñ bia bo meye’elane ya metata’a me ésulan. (Mt. 6:7)​—w22.07, af. 24-25.

Aval avé “ba be nga bo abé” ba ye ‘wômô asu ntyi’ane mejô’? (Jean 5:29)

Nalé a nji tinane na ba ve be mekua, sake mam be nga bo ôsusua na ba wu mme Yéhôva é fombô éyoñ é tyi’i be mejô. A ye nyoñ éyoñe ya fombô mam be nga bo mvuse ñwômane wop, éyoñe be maneya be ye’ele metiñe Mé.​—w22.09, af. 18.

Mbamba jam mbé Mojañ J. F. Rutherford a nga jô bôte na be bo éyoñ a nga bo nkañete beta étôkan a nga bobane Ngon ébulu mbu 1922?

E beta étôkan a nga boban e Cedar Point, Ohio, États-Unis, a nga jô na: “Njôô wongan a nga jôé! Mi be’e mbe’e ya wumulu Éjôé jé. Ajô te, wumulané, wumulané, wumulané, Njôô a Éjôé jé!”​—w22.10, af. 3-5.

Ésaie kabetôlô 30 a liti na mezen mevé Zambe a belane me asu na a volô bia na bi jibi minju’u bia tôbane mie?

Kabetôlô ate a liti na (1) a nyoñ éyoñe ya vô’ôlô meye’elane mangan a yalane me, (2) a tebele bia, a (3) a botane bia den, a ye fe botane bia melu ma zu.​—w22.11, af. 9.

Amu jé bi ne jô na mejô bia lañe Besam 37:10, 11, 29 me nga tôéban melu mvus, a ma ye fe tôéban melu ma zu?

Mejô David a nga kobô me mbe me liti’i mbamba ényiñ bone b’Israël be mbe be bili melu me Njô bôt Salomon. Yésus fe a nga kobô ajô paradis a ye bo)si va melu ma zu éyoñ a nga lañ éfus 11. (Mt. 5:5; Luc 23:43)​—w22.12, af. 8-10, 14.