Ye wo beta fo’o simesan?
Ye ô ne fo’o yalane minsili mia so minlô mejô ya Nkume mmombô a bete ya mbu 2019?
Ngaka’a Yéhôva nyi ja tinan aya: “Teke étyé mewosan ba kôme na be wosane wo ja ye bo jôm”? (És. 54:17)
Bi ne tabe ndi na Yéhôva a ye ba’ale bia éyoñ “beangôndô be bôt” ba ye wosane bia. (Ésaïe 25:4, 5) To’o besiñe bangan ba bo bia mbia jam mbé, Yéhôva é kôme jam ete.—w19.01, af. 6-7.
Aval avé jame Yéhôva a nga bo becananéen a bone b’Israël be nga bo nye melo da liti na a nye’e zôsôô?
Yéhôva a nga foñesô ba be mbe be bo’o mvite mame ya bisôk, a ba bese be nga tibili binga a bobenyui. Ve Yéhôva a mbe a bota’an ayoñe dé éyoñ ése é mbe é wulu’ ba’aba’a a nye, a éyoñ bôte ya été be mbe be nyiñi’ a bôte bevo’o aval é ne zôsôô.—w19.02, af. 22-23.
Jé bia yiane bo nge môt a nji kañe Yéhôva a ye’elan bi too?
Bi ne tabe ne séé, ve bi nji yiane jô na “amen” nge bi mo me bôte ba vô’ôlô meye’elane mete. Bi ne fe bo na, nté a bo meye’elane mé, bi’i ki bi ye’ela’ane Yéhôva nlem été.—w19.03, af. 31.
Amu jé e jabe mongô a ne angôndô ya mbia nsem?
A ne nseme wo bo mongô abé, nseme wo ve akônda Yéhôva mvit, nsem wo tyam atiñe César, a nsem ô ne nyé mise me Zambe. Éyoñ bijôé ya si be too bia jô na be kulane môt ase a jabe bongô, bemvendé ba yiane tôñ atiñ ete.—w19.05, af. 9-10.
Aval avé bi ne bo minleme miangan mimfefé?
Meye’elan me ne jam ôsu. Bia yiane kôme nyoñ éyoñe ya fas a bindi mam bia yé’é, akekui bia ye yemelan asimesan a mefulu bia yiane tyendé. Bia yiane fe bi mbamba mewoso.—w19.06, af. 11.
Aval avé bi ne kômesan asu bitibela’a bia yange bia?
Bia yiane yemete élate jangan a Yéhôva. Tabe’e ndi na Yéhôva a nye’e wo a na a vo’o li’i wo étam môs éziñ. Lañe’e Kalate Zambe môs ôse a ye’elane mban. Tabe’e ndi na Éjôé Yéhôva ja ye soo bibotan bise Yéhôva a ka’ale wo. Ba’ale bifuse ya Kalate Zambe wo dañe nye’e a bia ya Éjôé nlô.—w19.07, af. 2-4.
Aval avé bi ne volô bivuvumane biangane na bi bi ényiñ?
E ne nya mfii na bi yeme tebe été jap, na bi bi mbamba ntaban, na bi bo ôjibi, a na bi belane mbamba bifia éyoñ bia kañete be.—w19.08, af. 15-17.
Ngaka’a ya ve bia awo’an Yésus a nga bo kalate Matthieu 11:28 ja tôéban aya den?
Bi bili mbamba betebe ôsu, mbamba bemvôé, a teke ésaé éfe ja dañe ji bia bo.—w19.09, af. 23.
Aval avé Yéhôva a ne volô bia na bi kômbô a bo ésaé? (Beph. 2:13)
Éyoñ bia lañe Mejô mé a bindi me, Yéhôva a ne volô bia na bi bi nkômban a ngule ya tôé minsôñane miangan. A ne yañele bia a ngule ya mbamba nsisime wé na bi tu’a yeme bo nye ésaé.—w19.10, af. 21.
Mam mevé bia yiane bo ôsusua na bia nyoñe beta ntyi’an?
Mam metan: Vunu’u bekalate bangan. Sili’i Yéhôva fe’e jé. Fase’e jame da tindi wo na ô nyoñe ntyi’an. Jeñe’e na ô bi mingume minsôñan. Yeme’e minné miôé.—w19.11, af. 27-29.
Ye Satan a nga kobô ajô nsisim ô ne te wu éyoñ a nga du’u Ève nga?
Teké’é. Satan a nga jô Ève na a ye ke tu’a wu, sa ke na nyôle jé ja ye wu, ve nsisime wé ô li’i ô vee. Teke atañ évuse do’oten é nga li’i si éyoñe Ndône mendim é nga kui. Évuse do’oten éte é nga yiane taté ôsusua na Zambe a mane zametane bôte be mbe be lôñe’e nkume ya Babel.—w19.12, af. 15.