Ye wo kômbô tu’a yene mfi ya ayé’é étame dôé? Ô ne tôñe bone melebe ma asu na jam éziñ é bo teke ndeñele wo éyoñe wo bo ayé’é dôé:

• Tobe’e mbamba vôm. Ô ne jeñe vôm a ne mfuban a bili fe abui éfufup asu na ô kôme yene mame wo lañ. Ô ne jeñe mbamba éto e vôme tebele a ne nge tobe mbamba vôme ya tabe nseñ.

• Jeñe’e vôm ô ne bo étam. Yésus a nga tobe na a ye’elane “ndibe tyé,” “vôm a [mbe] ngule ya tabe étam.” (Marc 1:35) Nge ô vo’o yene vôm ô ne tabe étam, ô ne kate bôte ya nda bôte jôé, nge ke môte mia nye mi too nta’ane mame wôé, a kate nye na a bo teke ndeñele wo éyoñ éte.

• Te bo na mame méziñe me ndeñele wo éyoñe wo yé’é. Sa’ale’e mame me ne ndeñele wo. Nge wo belane téléfône nge tablette, dimi’i sonnerie nge ke na, futi’i nye mode avion asu na bemessage be bo teke wo ndeñele. Nge wo simesane na wo yiane bo jam afe éziñ, tili’i de été été vôm éziñ a mvuse ya valé, kele’e ayé’é dôé ôsu. Nge ôsimesane wôé wo ke mame mefe, nyoñe’e mon awo’one na ô ke wo tebe, nge ke na nyoka’an.