Ye ô nga tu’a fo’o lañe minlô mejô ya Nkume mmombô a bete ya mbu wu? Tame yen nge ô ne ngule ya yalane minsili mi:

Jé ja tinane na e “tyendé asimesane dangan”? (Beromain 12:2)

Nalé a nji tinane fo’o ve na, bi bo bi bo’o mbamba be mame biyoñe biziñ ényiñe jangan. Bia yiane fase biabebien a bo mintyendane mia sili asu na ényiñe jangan é wô’an a memvinda me Yéhôva.—w23.01, af. 8-9.

Aval avé bi ne bi mbamba ñyenane mam éyoñe bia yene mame ma boban émo?

Bi bili mbamba beamu ya jeñe na bi yem aval avé mame ma boban émo ji ma tôé minkulane mejô ya Kalate Zambe. Ve bi nji yiane ve’e befe’e a simesane na mame bia yene ma tôé nkulan ajô. Éyoñe mame bia jô ma so bikpwelé ékôane Yéhôva ja kuli, nalé a volô na ékôane bekristen é bo nlatan. (1 Cor. 1:10)—w23.02, af. 16.

Nsela’ane mbé a ne zañe ndubane Yésus a ndubane beyé’é bé?

Yésus a nji be a yiane ve émiene ngumba be Yéhôva amu a nga bialé ayoñe bôte Zambe a nga top na é bo éndé. A nji be a yiane jôban abé éziñe nge ke jeñe na a bi mone môte ya nlem a too mfuban, amu a mbe môt a ne teke ayeñ.—w23.03, af. 5.

Aval avé bi ne ve bôte bevok fane ya ve biyalan ésulan?

Bi ne ve biyalane bi ne étun asu na bôte bevo’o fe be bi fane ya kobô. Bia yiane fe jeñe na bi bo te kobô abui mam éyoñe jia. Nge ô mane la’ase mone jam ase a ne abeñ, bôte bevok ba ye beta bi mfañe jame ya jô.—w23.04, af. 23.

Jé é ne “Zene ya étyi” Ésaïe 35:8 a jô je?

Zen éte é mbe zene é mbe é téé Babylone é kele’e bejuif jale dap. Jé ke bi ne jô asu bebo bisaé be Yéhôva ya melu ma? Mintete mimbu ôsusua na mbu 1919 wo kui, ésaé ya kôme zen ya étyi é nga ke ôsu—e dañedañe nkôñelan a nkulan Bekalate Zambe. Bebo bisaé be Yéhôva ba wulu “zene ya étyi,” paradis ya nsisim nje éte ja yoé abui bibotane Éjôé Zambe ja ye soo bie.—w23.05, af. 15-19.

Melebe mevé Minkana kabetôlô 9 a ve bia a zene ya binga bebaé?

Minkana a kobô ajô mbañete “akute minga” wo ke bôte vôme “Miñwuan mi ne” a mbañete “mfefe’e minga,” ñwô ôte wo ke bôte “nya ñyemane mam” a ényiñ. (Mink. 9:1, 6, 13, 18)—w23.06, af. 22-24.

Aval avé nkañete Lot wo liti na Yéhôva a yeme tebe été bôte bevok a na a ne éjote nyul?

Yéhôva a nga jô Lot na a tup Sodome a ke sobô minkôle yôp. Éyoñe a nga ye’elane Yéhôva na A kañese na a ke sobô Tsoar, Yéhôva a nga kañese.—w23.07, af. 21.

Jé minga a ne bo nge nnôm a yene bôte minsoé bingengeñ?

A nji yiane ve émiene bijô. A ne lañ a bindi minkañete ya Kalate Zambe mia kobô ajô binga béziñe be nga tôbane ngule minjuk. A ne fe volô nnôm na a sa’ale bité bi ne bo na a bi nkômbane ya yene mbia bingengeñ.— w23.08, af. 14-17.

Jé é ne volô bia na bi yalane bôte ba sili bia minsili a lat a mbunane wongan a évôvoé ése?

Bia yiane yene nsili ba bôône bia ane zene ya yeme jôme môt ate a simesan. Bi bili fe mbamba bikpwelé bi ne volô bia na bi yalan a évôvoé.— w23.09, af. 17.

Miñye’elane mivé bi ne nyoñ éyoñe bia yene avale Marie a nga bi ngule nyul?

Éyoñ be nga kate Marie na nnye a ye bo nyia Messi, a nga bi ngule nyul a mvolane be nga ve nye. Gabriel ba Élizabeth be nga ve Marie ngule nyul a zene ya Kalate Zambe. Bobejañ a besita bangane fe be ne ve bia ngule nyul.—w23.10, af. 15.

Aval avé Yéhôva a ne yalane meye’elane mangan?

A nga ka’ale na a ye vô’ôlô meye’elane mangan, a fombô nge ma wô’an a nsôñane wé. (Jér. 29:12) Abui bôt é ne sili Yéhôva jame da meye’elan, ve a teke yalane be avale da.—w23.11, af. 21-22.

Romans 5:2 a kobô ajô “ndi nlem,” amu jé Paul a beta kobô ajô ndi nlem éfuse 4?

Éyoñ môt a wô’ô benya mejôô, a bi ndi nleme ya nyiñe nnôm éto Paradis. Ve éyoñ a tôbane minjuk a jibi mie, a wô’ôtane na Zambe a nye’e nye a ndi nlem jé ja tu’a bo vevee asu dé a nyane fe je nya abuii.—w23.12, ab. 12-13.