NKUME MMOMBÔ A BETE (ASU AYÉ’É) Ngone baa 2017
Kalate mefoé nyi a bili meyé’é asu Ngone nyini 3-30, ya mbu 2017.
Ôvañe Yéhôva wo ye jaleban!
Atata’a, nsôñane Yéhôva ô mbe ôvé? Jé é nga bo na nsôñane Zambe ô bo teke tôéban? Amu jé bia jô na awu Yésus nde da bo na ôvañe Zambe ô jaleban?
Ntañ “nya dase” da so bia be Zambe
Ntañ Zambe a nga ya’an ô nji ve bia fe fane ya bi mbamba be mam étam, wo liti fe na mam mese Satan a nga jô me ne minsos.
NKAÑETE MÔT
Zambe a nga mvamane bia abui meval
Zambe a nga mvamane Douglas ba Marie Guest abui meval e Canada a éyoñe be mbe bemissionaire Brészil a Portugal
Yéhôva a liti bebo bisaé bé zen
Melu mvus, Yéhôva a nga belane bôte na be wulu bebo bisaé bé. Mam mevé ma liti na nnye a tele bôte bete ôsu?
Den, za Yéhôva a belane nye na, a tebele bebo bisaé bé?
Yésus a nga ka’ale na, a ye tabe a beyé’é bé akekui amane ya nta’ane mam wu. Aval avé a tebele bebo bisaé be Zambe den?
Minsili bôte ba lañe bekalate bangan ba sili
Nlômane Paul ô nga tili na, Yéhôva “a ye bo te me’ete na, mi yene meve’ele me adañe ma mi ne ngule ya jibi.” Ye nalé a tinane na ôsusua, Yéhôva a yen mam bi ne jibi, éyoñ ete a tobe meve’ele bia ye tôbane me?
MINNÔM BEKALATE
“Jôm éziñ é nji be ve kamane be na be bo ésaé nkañete jap”
Ataté memane ya mbu 1920 akekui atata’a ya mbu 1930, bekpwa’a mefan be ne ayôñ ésaé nkañete be nga kañete mbamba foé y’Éjôé Zambe a ayôñ ése e minlame mvuse ya Australie.
