Bia bese bi nji bi abui éyoñ asu na bi bo ayé’é étam. Aval avé bi ne yeme belane mon éyoñe bi bili? Jam ôsu, bela’ane mon éyoñ ate asu na ô kôme bu’uban ayé’é dôé. Bia tu’a bu’uban ayé’é dangan éyoñe bia nyoñ éyoñe ya yé’é abime mame bi ne kôme wôk a lôte na bi yé’é abui mam.

Ô ne bo nta’ane mam asu mame ma dañe mfi. (Éphé. 5:15, 16) Bo’o mam ma:

• Ô ne lañe Kalate Zambe môs ôse. (Bsa. 1:2) Ô ne taté na wo tôñe ñlañane Kalate Zambe ba bo asu bisulane ya zañe sondô.

• Ô ne kômesane Nkume mmombô a bete ba ye yé’é sondô a Kalate bisulane ya zañe sondô. Tabe’e nkômesane ya ve biyalan.​—Bsa. 22:22.

• Ô ne fe ve ngule ya di bidi ya nsisime bivo’o bia bi aval ane bekalate mefoé be nji bo asu ayé’é, bevidéo, a mame mevo’o ma kui anjeñe mefoé dangane jw.org.

• Yé’é minlô mejô mi ne bo mfi asu dôé. Ô ne jeñe minlô mejô mi tii a minju’u wo tôbane mie, minsili wo sili womien, nge ke mame méziñe ya Kalate Zambe wo yi na ô tu’a kôme wôk. Asu na ô yene minlô mejô mite, kele’e ngap é ne na “Explore la Bible” e jw.org.