Ye ô nga nyoñe fo’o éyoñe ya kôme lañe Nkume mmombô a bete bengone ya mvus? Tame ñhe yene nge ô ne yalane minsili mi:

Mam menyin mevé me ne volô bia na bi tu’a yeme yia bia?

Bi ne kôme tebe tetele a bete kalate bia wongan yôp. Bia yiane fe kôme limiti mvebe. Nge bia kôme yoé anyu, bia ye kui na bi yia yôb été.​—w17.11, afep 5.

Jé ja nambe wo éyoñ wo simesane minlame ya sobô ya melu mvus, a minjoñ mi mbe mi kele’e bôte wôé?

Minlame ya sobô misaman mi mbe mi bôma’ane si ya Israël ése, minjoñ mi mbe mi kele’e bôte wôé mi mbe angôndô ya mvo’é. Ajô te, môt a mbe ngule ya ke sobô wôé tyi’ibi.​—w17.11, afep 14.

Amu jé ntañ ô ne das da dañ?

Ntañ wo jalé nkômbane bi bili na bia nyiñ, a ô ne kôté bia abé a awu. Zambe a nga wô’ô bone be Adam éngôngol, ane a nga lôme be atyi’i Mone dé, a too ke na be mbe bebo mam abé.​—wp17.6-F, afep 6-7.

Jé ja liti na Besam 118:22 a kobô ajô ya ñwômane Yésus miñwuan?

Be nga sôô na Yésus a ne Messie a wôé nye. Asu ya na a bo “nlô ako’o ya jua,” a nga yiane taté wômô miñwuan.​—w17.12, afep 9-10.

Ye é mbe é sili’i na môt a bo ntôle mon asu na a nyiin éndane Messie?

Bôte béziñe ya éndane Messie be mbe fo’o mintôle mi bon, ve sa ke bese. David a nji be ntôle mone Jessé, ve Messie a nga so nda bôte Jé.​—w17.12, afep 14-15.

Miñye’elane mivé bia koone mie Kalate Zambe a lat a mvo’é ya minsôñ?

Atiñe Moïse si, môt ase a mbe a bili ôkone wo kôéban a mbe a yi’ane tabe vôme wôé étam. Môt a mbe a yiane kôme wobane mendim éyoñ a te nambe mbim. Be mbe fe be yi’ane ke éduk ôyab a vôme bôte be too. Be mbe be tyi’i mon atye éyoñ a kui melu mwom, nalé a mbe mvo’é amu éyoñ ete metyi mé me mbe me tatéya na ma yem.​—wp18.1, afep 7.

Amu jé da yiane na Kristen é nye’e émien abim éziñ?

Bia yiane nye’e môte mbok ane bia nye’e biabebien. (Marc 12:31) Beyôm ba yiane nye’e beyal bap ane ba nye’e “menyôle mape bebien.” (Beép. 5:28) Ve môt a nye’e émien a lôte nné a ne su’ulane bo mebun.​—w18.01, afep 23.

Jé bi ne bo asu na bi yaé nsisim?

Bia yiane yé’é Mejô me Zambe, a bindi me, a bo mam bia yé’é. Bia yiane jô’é na mbamba nsisim a mé ôsimesane wongan a minleme miangan; bia yiane fe kañese mvolane wo so be bôte bevok.​—w18.02, afep 26.

Amu jé bi nji yiane belan astrologie a mam bemvi’i na bi yem mam ma ye bobane melu ma zu?

Amu a dañ a ne na, Kalate Zambe a tyili mboan ôte.​—wp18.2, afep 4-5.

Bia yiane bo aya éyoñ môt a bañete bia nda jé na bi zu di?

Nge bia te jô nye na bia ye so, bia yiane jeñe na bi bo avale bia te jô. (Bs. 15:4) Bi nji yiane vañe bu’i. Amu môt a bañete bia a wu nju’u na a kômesane jôme ya ve bia.​—w18.03, afep 18.

Mame mevé Timothée a ne ye’ele befam be be’e mimbe’e akônda?

Timothée a mbe a wô’ô bôte mintaé, a telé’é fe mame ya nsisim ôsu. A nji be nleles, a mbe fe a bo’o mam a yé’é ényiñe jé. A nga ke ôsu a yé’é, a too nsisime Zambe mebun. Bemvendé a bediakon be ne vu éve’ela jé.​—w18.04, afep 13-14.