NKUME MMOMBÔ A BETE (ASU AYÉ’É) Ngone samane ya mbu 2020
Nkume mmombô nyi a bili meyé’é ya Ngone mwomô 3-30, mbu 2020.
“Jôé dôé é bo’ étyi”
Ayé’é 23: Ngone mwomô 3-9, mbu 2020. Beta jame mbé a fombô bone be bôt a beéngele? Amu jé jam ete e ne nya mfii, a jé môt ase ya be bia a ne bo? Biyalane ya minsili mite a mife bia ye volô bia na bi yemete élate jangan a Yéhôva.
“Yemete’e nleme wom ô ko jôé dôé woñ”
Ayé’é 24: Ngone mwomô 10-16, mbu 2020. Ayé’é di, bia zu fase meye’elane me Njôô bôte David bia koone me kalate Besam 86:11, 12. E ko jôé Yéhôva woñ a tinan aya? Amu jé bia yiane bi nya ésemé asu beta éyôlé ate? A aval avé woñe Zambe ô ne volô bia éyoñe Satan a ve’ele bia?
Minsili bôte ba sili
Ye mefulu bia koone me kalate Begalate 5:22, 23 mme étam me ne ngabe ya ‘ébuma ya nsisim’?
“Mamien ma ye jeñe mintômba miam”
Ayé’é 25: Ngone mwomô 17-23, mbu 2020. Amu jé e wô’ô kui na bobejañ béziñ be boya Yéhôva ésaé mimbu mimbu be taté na ba voé nsisim a kôlô akônda? Yéhôva a yene bobejañ bete aya? Ayé’é di da zu ve bia biyalane ya minsili mite. Da ye fe liti bia avale Yéhôva a nga volô bebo bisaé bé béziñe ya melu mvus be nga bili atek.
“Bula’ane be ma”
Ayé’é 26: Ngone mwomô 24-30, mbu 2020. Yéhôva a yi na ba bese be maneya voé nsisim be bulane be nye. Bi ne bo abui mam asu na bi volô môt ase a kañese nloene Yéhôva wu: “Bula’ane be ma.” (Mal. 3:6, 7) Ayé’é di, bia zu yen avale bi ne volô bôte na be bulane be Yéhôva.
