Lañe’e Daniel 9:​1-19 asu na ô yeme mfi wo bi éyoñe wo kôme nyoñ éyoñe ya yé’é.

Kôme fa’a bifuse bia bômane bifuse wo lañ. Mame mevé me mbe me ndôme boban, a aval avé mame mete me nga nambe Daniel? (Dn. 5:29–6:5) Nge wo ô mbe Daniel, ô nga ye wô’ôtan aya?

Tuka’a fak. “Bekalate be ne étyi” bevé Daniel a mbe a yiane lañ? (Dn. 9:2; w11 1/1 22 ¶2) Amu jé Daniel a nga meme minseme mié a minseme mi ayoñ Israël? (Lév. 26:​39-42; 1 Bb. 8:​46-50; dp 182-184) Aval avé meye’elane me Daniel ma liti na a mbe a kôme yé’é Kalate Zambe édo’o été?—Dn. 9:​11-13.

Bindi’i mame wo yé’é. Sili’i womiene na:

• ‘Jé me ne bo asu na mame ma boban émo ji me bo te ke ndeñele ma?’ (Mich. 7:7)

• ‘Aval avé me ne tu’a bu’uban a ayé’é Kalate Zambe avale Daniel a nga bo?’ (w04 8/1 12 ¶17)

• ‘Éyoñe ma bo ayé’é étame dam, minlô mejô mivé mi ne volô ma na me ke “ôsu a mombô?”’ (Matt. 24:​42, 44; w12 8/15 5 ¶7-8)