Bebiaé be be’e beta mbe’e ya volô bone bap na be yeme Yéhôva. (Éphé. 6:4) Ékôane Yéhôva é nga kuli abui minlô mejô, bevidéo, a bia asu na é volô bebiaé na be yeme bo ésaé éte. Aval avé ô ne belane bikpwelé bite asu na ô yañele bone bôé?

• Ô ne ke fombô minlô mejô mi kuiya anjeñe mefoé dangan. JW.ORG a bili minlô mejô mise be kuliya asu bisoé, to’o bevidéo. A bili fe bevôme be ne volô bongô na be tili, nge ke na be kañe biôme biziñ. a Asu na ô yene bevôme bete, kele’e vôme ba tili bikañga, tili’i na “Bongô” nge ke “Bisoé.”

• Tobe’e minlô mejô mi ne bo mfi asu benyo bon. Vôm a ne ntilane na “Bongô,” ô ne yene minlô mejô, bevidéo, bia, a biôme bife wo ye yene na bi ne bo mfi asu benyo bon. Asu na ô yene mie, kele’e vôm a ne na “Activités pour le culte familial.”

• Nyoñe’e éyoñe ya kobô mame mete a benyo bon. Sake éyoñe nyo mon a nji bi jôme ya bo nje wo yiane jô nye na a yene bevidéo bete nge na a tili mefebe mete. Wo yiane nyoñ éyoñe ya laan a nye a volô nye na a bi ngul élat a Yéhôva.