Yéhôva a nyoñe ngap a wo
AMU jé ô ne tabe ndi na mejô ya Kalate Zambe ma me ne benya mejôô, a na, Yéhôva a nyoñe bia ngap? Amu wua a ne na, Kalate Zambe a yemete de. Pierre ôsu 5:7 a jô na, “Mi va’ane nye mam mese me atyelé mia minleme yôp, amu nnye [a nyoñe mia ngap, MN].” Jé ja liti wo na Yéhôva a nyoñe ngap a wo?
ZAMBE A NE AKAP
Yéhôva a ne mbamba éve’ela mfa’a ya e bo mbamba nlem a akap
Simesa’ane jame di, Zambe a bili mefulu wo nye’e wo yene mvôé jôé é bili. Bôt be ne mbamba nlem a akap, be wô’ô bo beta bemvôé. Aval ô ne ji’a yen, Yéhôva a ne mbamba nlem, a bo fe bôt mbamba be mam môs ôse. Tame yene na: “A teléya jôpe dé de atôô bôt be ne abé, a ba be ne mvaé; nalé fe a lôme bôt be ne zôsô a ba be ne bikotekot mveñ.” (Mat. 5:45) Jé vian a mveñ bia bo? A zene jap, Zambe “a jalé minleme mienan a bidi a mevak.” (Mam. 14:17) Ôwé, Yéhôva a ne mevak éyoñe si ja yô bidi, a biôm biziñ bia ve bia ényiñ abeñ a lôt éseñe bidi.
Ve amu jé abui bôt da wu zaé? Amu bejôô bôt ya si, be wô’ô jeñe ve na be bi beta bi to bi pôlitik, a tôkan akum asu bebien a lôte na, be kôme binyiñe bi bôte ba jôô be. Yéhôva a mbeme zu kôm ajô te. A ye belane Yésus, Njôô ya Éjôé Zambe na a zu tyendé bijôé ya émo ji, a telé Éjôé jé é ne yôp été. Éyoñ éte ja ye bo na, teke môt éziñ a ye beta wô’ô zaé. Ve ôsusua na éyoñe Bs. 37:25) Ye nalé a nji liti wo na, Yéhôva a nyoñe wo ngap?
te ja kui, Zambe a su’u bebo bisaé bé ba wulu ba’aba’a a nye. (YÉHÔVA A NJI NYUME BIA ÉYOÑE JÉ
Yéhôva a ne mbamba éve’ela mfa’a ya e bo te nyume bia éyoñe jé
Beta mvôé a ne nyô a ne a wo éyoñ ése. Mia nye mi ne laane tañe mewolo mewolo, mi kobô’ô mam ma fombô mia bebaé. Éyoñe wo kate nye minju’u miôé a mam ma tyelé wo nleme yôp, a nyoñ éyoñe ya kôme vô’ôlô wo. Ye Yéhôva fe a bo nalé? Ôwé, a bo nalé! A vô’ôlô meye’elane mangan. Jôme te nje Kalate Zambe a tindi bia na, ‘bi bo mban meye’elan été,’ a na ‘bi ye’elane, te jô’é.’—Bero. 12:12; 1 Bet. 5:17.
Abim éyoñ avé Yéhôva a ne lôte na a vô’ôlô meye’elane mangan? Éve’an éziñe ya Kalate Zambe ja ve bia éyalan. Ôsusua na Yésus a tobe minlômane mié, “a nga bo ngum alu ve ye’elane Zambe.” (Lc. 6:12) E meye’elane mete, Yésus a nga beta ke a simesane beyé’é bé bese, a tote môt ase ya été éyôlé jé, a fase mbamba mefulu be bili a bevôme be ne atek. A sili’i fe Ésa wé na, a volô nye na a yeme be top. Éyoñe tyé é nga leñde, Yésus a nga yeme na a nga tobe ba be mbe be bili mefulu me mbe me sili’i asu minlômane mié. Yéhôva, “Nyô a wô’ô meye’elan,” a ne meva’a ya vô’ôlô meye’elane me bôt bese ba ye’elane nye a nleme wop ôse. (Bs. 65:2) Ja’a môt a lôte mewolo me nkolo na, a kate nye mam ma ndeñele nye abui, Yéhôva a nji kate vô’ôlô nye.
ZAMBE A JAMÉ A NLEM ÔSE
Yéhôva a ne mbamba éve’ela mfa’a ya e jamé a nlem ôse
To’o beta bemvôé be wô’ô yen ayaé ya jamé ba bevok. Éyoñe nalé a kui, bôt be wô’ô jibi telé amvôé é libiya amu ba yen ayaé ya jamé. Yéhôva a nji bo nalé. Kalate Zambe a jô na bôte bese be sili Zambe njaman a nleme wop ôse, “amu a ye dañe jamé.” (És. 55:6, 7) Jé ja tindi Zambe na, a jamé a nlem ôse?
A ne beta nye’ane Zambe a nye’e bia. A nye’e émo mbia ya abui, jôme te nje a nga lôme Mone wé, Yésus, na a zu kôté bôt abé, Jn. 3:16) Ntañ wo bo abui mam. A zene ya ntañ, Zambe a jamé bôt a nye’e a nlem ôse. Nlômane Jean ô nga tili na: “Nge bi ameme mam abé mangan, a tôé njôan a bo zôsô ya jamé bia mam abé mangan, a tune bia bikotekote bise.” (1 Jn. 1:9) Amu Yéhôva a jamé, bôte be ne ke ôsu a bo bemvôé bé. A ñyemane bia yeme nalé wo nambe bia abui?
a mbia be mam bese abé da dutu. (A VOLÔ WO ÉYOÑE WO TÔBANE MINJUK
Yéhôva a ne mbamba éve’ela mfa’a ya e volô bia éyoñe bia tôbane minjuk
Nya mvôé a ne nyô a volô bôte bevok éyoñe ba tôbane minjuk. Ye Yéhôva fe a bo nalé? Kalate Zambe a jô na: “A kôsa bo [mbo ésaé Zambe] a ku, a ye bo te tu’a tôlane si; amu Yéhôva a bili nye a wo wé.” (Bs. 37:24) Yéhôva ‘a bili bebo bisaé bé a wo wé’ abui mezen. Tame yene jam é nga kui e Île des Caraïbes de Sainte-Croix.
Bongô be sikôlô be mbe be tibili’i mona minga, amu a nga bene batane nlinga amu mbunane wé. Éyoñ a ye’elaneya Yéhôva na a volô nye, ane a nga tyi’i na, a zu dañe nju’u te. A nga kobô ajô ya batane nlinga ésaé be nga ve nye asu aba sikôlô. A nga belane Kalate ba loone na, Recueil d’histoires bibliques, a kañete nlañe Schadrac, Méschac, a Abed-Nego be nga ba’ale ntyi’ane wop. A nga jô na, “Yéhôva a nga ba’ale bongô b’hébreu ba belal amu, be nga bene kañ éve’ela’a.” Mvuse ya valé nde a nga ve bongô be sikôlô be mbe valé kalate. Ane bongô awôm a wua be nga kañese kalate. Mona minga a nga wô’ô mbia mevak amu a nga yeme na, Yéhôva nnye a nga ve nye ngul, a fek ya kobô ajô nlinga.
Nge da kui na wo sôô na Yéhôva a nyoñe ngap a wo, fasek bifuse ya Kalate Zambe bi, Besam 34:17-19; 55:22; a 145:18, 19. Sili’i fe Bengaa be boya Yéhôva ésaé den a nto abui mimbu na, be kañete wo avale Yéhôva a nga nyoñe be ngap. A éyoñ ô ne minju’u été, ye’elane Zambe na a volô wo. Wo ye ji’a yene na Yéhôva a nyoñe ngap a wo.