Benya mejôô a lat a Éjôé Zambe
Yésus a nga ye’ele beyé’é bé na be ye’elan avale di: “Ésaa wongan a ne yôp, jôé dôé é bo’o étyi, Éjôé jôé é za’ak, nkômbane wôé ô boba’ane si nyô aval ane wo bobane yôp.” (Matthieu 6:9, 10, Mfefé Nkôñelan) Jé é ne Éjôé Zambe? Ésaé évé Éjôé éte ja bo? Amu jé bia yiane ye’elan asu Éjôé éte?
Yésus a ne Njôô y’Éjôé Zambe.
Luc 1:31-33: “Tame yen, wo ye nyoñ abum, a biaé mona fam, wo aye yôlé nye jôé na, Yésus. A ye bo éwôlô môt, be aye loene nye na, Mone Môt A Dañe bôte bese Yôp: Tate Zambe a ye ve nye éto ésa wé David: a ye jôô nda bôte Jacob nnôm éto; [Éjôé] jé je aye bo te man.”
Éjôé Zambe é mbe ntene nlô ajô ya ésaé nkañete Yésus.
Matthieu 9:35, Mfefé Nkôñelan: “Yésus a nga ke a wulu e bitison bise a minlam mise, a ye’ele’e bôt e menda me Zambe map, a yôta’ane mbamba foé y’Éjôé Zambe, a saé aval ôkon ese a aval éyem ése.”
Yésus a nga ve beyé’é bé ndem ja ye volô be na, be yeme na Éjôé Zambe é nto bebé.
Matthieu 24:7, Mfefé Nkôñelan: “Ayoñ da ye fo’o wosan ayoñ avok, a éjôé ja ye wosan éjôé évok, bemfumbale zaé a mimfô’ôsan mi si bia ye bo ane mevôm me né.”
Beyé’é be Yésus ba kañete mbamba foé y’Éjôé si ése.
Matthieu 24:14, Mfefé Nkôñelan: “Mbamba foé y’Éjôé ya yôp a ye kateban émo ése ya bôt be too ane ngaa asu meyoñ mese, mvus éte nje asu’ulan da ye kui.”
You May Also Like
ESSENTIAL BIBLE TEACHINGS
Éjôé Zambe é ne jé?
A zene ya nkañete a nga bo, Yésus a nga kobô ajô ya Éjôé Zambe a dañe jôme ése. Den a nga ke mintete mimbu, beyé’é bé ba ye’elane na Éjôé éte é zu.
KALATE ZAMBE—FOÉ JÉ É NE AYA?
Yésus a ye’ele jé é ne Éjôé Zambe
Nlô éfia ya nkañete Yésus ô mbe aya? Aval avé a nga liti na nye’an a zôsôô b’aye bo mbôka’a ya éjoé jé?
