Ye ô ne fo’o yalane minsili mia so minlô mejô ya Nkume mmombô a bete ya mbu 2020?

Aval avé bia yiane yene Bekristene be ne miñwo’an?

Bia vu mbunane wop; ve bi nji yiane dañe wumulu be nge bete be yôp. Bia yiane fe sa’ale fulu ya wumulu mingume mi bôt. (Jude 16) Bia sa’ale fe fulu ya sili be avale minsili éziñ, ane aval avé be nga bo miñwo’an.​—w20.01, af. 29.

Jé ja liti wo na Yéhôva a yene fo’o wo?

Kalate Zambe a liti na, Yéhôva a mbe a nga yeme wo ôsusua na wo bialé. A vô’ôlô meye’elane môé. A yeme mam me ne wo nlem a asimesane dôé ese. Mam wo bo me ne ndeñele nye nge ke ve nye nlem avak. (1 Mka. 28:9; Min. 27:11) Yéhôva émiene nnye a nga dutu wo be nye. ​—w20.02, af. 12.

Éyoñ évé nje bia yiane kobô? Éyoñ évé ke nje bia yiane tabe évô?

Bia kañete bôt ajô Yéhôva. Bia yiane kobô nge bia yene mvôé jangan nge ke évuvumane jangan é tyame’ atiñe Zambe. Éyoñe bemvendé ba yene na môt éziñe ya akônda a yiane melep, be nji yiane ko woñe ya kobô. Bi nji yiane sili bobejañ ba nyiñe mesi ba tyili ésaé nkañete jangan aval ésaé jangan ja bobane wôé. Bi nji fe yiane kulane mam ma yiane tabe nsolan.​—w20.03, af. 20-21.

Mam mevé ma selane nkulan ajô ya kalate Joël kabetôlô 2 a wu ya kalate Nlitan kabetôlô 9?

E kalate Joël 2:20-29, Yéhôva a jô na a ye vaa bitandak bi nga so nord a ‘beta bulane’ biôme bitanda’a bite bi nga mane ndaman. Mvuse ya valé, Yéhôva a nga sôé bôte nsisime wé. Nkulan ajô ôte ô nga taté tôéban éyoñe nkane bita ya Babylone ô nga jian Jérusalem a ayab éyoñe mvuse ya valé. Nlitan 9:1-11 a kobô ajô miñwo’ane mi Yéhôva mia kañete mintyi’ane mejô mié a ayôñ ése, a jam ete da ndeñele mbia be bôt.​—w20.04, af. 3-6.

Za a ne “njôô bôte ya nord” den?

Russie a ba ba su’u nye. Mam ba bo ma nambe bebo bisaé be Yéhôva, amu ba tyili ésaé nkañete jangan a ba tibili bizu’u Bengaa be Yéhôva ba nyiñ éjôé jabe si. Ba sengane fe njôô bôte ya sud​—w20.05, af. 13.

Ye mefulu bia koone me kalate Begalate 5:22, 23 mme étam me ne ngabe ya ‘ébuma ya nsisim’?

Momo. Mbamba nsisime a volô fe bia na bi bi mbamba mefulu mefe ane fulu zôsôô. (Beép. 5:8, 9)​—w20.06, af. 17.

Amu jé bia yiane tabe ntyel a mame bia futi beréseaux sociaux?

Mame bia futi beréseaux sociaux me ne liti na bi ne éngelezek a na bia wumulu biabebien. Bible ki a jô na bia yiane bo éjote nyul.​—w20.07, af. 6-7.

Mefulu mevé bi ne yé’é be beyobe kos?

Ba yobe vôm a éyoñ ba yeme na be ne bi abui kos. Ba jeñe na be yeme belane biôm minop. Ba ke ôsu a bo ésaé akusa bo avep, vian, nge ke mveñ. Mefulu mete me ne fe volô bia ésaé nkañete.​—w20.09, af. 5.

Aval avé bi ne volô beyé’é Bible na be tu’a nye’e Yéhôva?

Bi ne lebe ñyé’é Bible na a lañe Bible môs ôse a bindi mam a lañ. Bi ne fe liti nye avale ba ye’elan.​—w20.11, af. 4.

Éyoñ Paul a jô na: “Bese ba ye veban ényiñe be Krist,” a kobô ajô za?​—1 Bec. 15:22.

A nji be a kômbô’ô jô na bôte bese ba ye wômô. A mbe a kobô’ ajô Bekristene be ne miñwo’an, mbe bete “be nga teléban [étyi] be Krist Yésus.” (1 Bec. 1:2; 15:18)​—w20.12, af. 6.

Ésaé évé miñwo’an mia ye ke bo yôp mvuse ñwômane miñwuane wop? ​—1 Bec. 15:51-53.

Ba be Yésus ba ye jôô meyoñ a ntum étyé. (Nli. 2:26, 27)​—w20.12, af. 12-13.