Môt ase a bo mam ane nya môtô, bebiaé bé, bemvôé bé, a bemasa bé be too nye mebun. Môt ate a tôñe metiñ, a tôé bengaka’a bé, a a kobô benya mejô éyoñ ése.

Da yené éyoñ ése na, abim éto fili ba ve wo é tii a abime ndi nlem be bili be wo, ndi nlem ba bi be wo ane éyoñe ja lôt.

“Mbamba zene ya bo na bebiaé bôé be tabe ndi a wo, a ne na ô liti na ô ne nya môtô a na wo nyoñ ngap a womien éyoñ ô ne a be, a éyoñ be nji bo.”​—Sarahi.

ÑYE’ELANE YA BIBLE: “Fasane miabebien.”​—2 Becorinthien 13:5, Mfefé Nkôñelan.

Nge bia yi na bôte be tabe ndi a bia, nge na, be beta tabe ndi a bia ane éyoñ ôsu, melebe ma tôñe le me ne volô bia.

Bo’o zôsô. Jam afe é vo’o ji’a ndamane ndi nleme bôte befe be bili be wo ane minsos. Ve, nge ô ne zôsô, e dañe dañ a mame ma fombô bikobe biôé, ô ne ngule ya bo na bôte be tabe ndi a wo.

“É ne tyi’ibi ya bo zôsô éyoñ mame mese ma wulu mvo’é mvo’é. Ve, e bo zôsô ja’a éyoñ ô tele mbia été a volô na, bôt be tu’a tabe ndi a wo.”​—Caiman.

ÑYE’ELANE YA BIBLE: “Bi kômbô’ô tabe ane de ayian mfa’a ya mam mese.”​—Behébreu 13:18.

Bo’o môt be ne tabe nye ndi. Mfasan ô nga bobane si ya Amelka. E bôte ntet, bôte 78 ya ba ba saé e beresource humaine be nga liti na, e bo môte be ne tabe nye ndi a mbe “jame da ya mam melale me mbe me sili’i na môt a bi asu na, be bete nye minkôñ e nda bisaé.” E yé’é na wo bo mam ane da yian a ne jam da ye volô wo éyoñ wo ye bo nya môtô.

“Bebiaé bam be nji fete mis éyoñe ma liti na me nga yeme fas, a éyoñe ma bo bisaé biam teke na ba tindi ma. Nté ôse ma ke avale mboan ôte ôsu, nne fe ba tu’a tabe ndi a ma nalé.”​—Sarah.

ÑYE’ELANE YA BIBLE: “Amu me abuni mewô’ô môé, . . . A ma yeme na, wo aye bo ja’ana adañ abim me ajô.”​—Philémon 21.

Bo’ ojibi. Nge é ne tyi’ibi ya yene na mongô a yaé, a na a nto fe éwôlô, é wô’ô sili abui éyoñ asu ya na bôte b’éziñe be yeme na, ésoé é nto étôtôlô a ngule ya nyoñ émiene ngap.

“Sa ke ve mboane wua étam ñwô ô ne bo na bebiaé bôé, nge bôte befe be tabe ndi a wo. Ve ô ne ngule ya bi fulu éte ôte’ete’ ôte’etek nge wo liti na ô ne ngule ya nyoñe mbamba mintyi’an ane éyoñ ja lôt.”​—Brandon.

ÑYE’ELANE YA BIBLE: “Jaéane [miabebien a] . . . abui njiban.”​—Becolossien 3:12.