Mbôka’a y’amvôé ô ne nye’an. Abim wo ye’é mejô me Yéhova, nde fe nye’an wo nye’e nye wo yaé. Abim nye’an wo nye’e Zambe wo yaé nde fe nkômban ya bo nye ésaé wo yaé. Nalé aye tindi wo na ô bo mvôé Yésus Krist. (Matthieu 28:19) Nyiane a mevak nsamba Bengaa be Yéhova, wo ye ve wo éyoñ ya tyek amvôé a Zambe nnôm éto. Jé w’ayiane bo?

Liti na wo nye’e Zambe a zen ya mewôk. “Nye’an Zambe w’atinane na bi ba’ale metiñ mé; a metiñ mé me nji bo adit.”​—1 Jean 5:3.

Bo’o mam wo ye’é. Yésus a nga kane nkana wo yemete jam te. Mfefek môt ô nga loñe nda ako’o yôp. Ôkukut môt ô nga loñe nda jé nselek. Éyoñ ôkôs ô nga vuñ, nda é nga tele akok é nji ku, ve nyô é nga loñeban nselek é nga ku beta nkuan. Yésus a nga suu nkobô na bôt ba wô’ô miñye’elan mié a tôñ mie ba funan môt a nga loñe nda akok. Ve ba b’awôk minye’elan te ke mie tôñ, ba funan nyô a nga loñe nda nselek. Wo kômbô funan môt mbé?​—Matthieu 7:24-27.

 Mvean womien be Zambe. Ô ne na wo kate Yéhova meye’elan été na wo ye bo nkômbane wé nnôm éto. Mboan nkômban Zambe ñwô wo liti na ô ne mvôé Yésus Krist.​—Matthieu 11:29.

Nduan mendim. “Duba’an, mane’e vaa mam abé môé a loene éyôlé jé.”​—Mam minlôman 22:16.

Bo’o Zambe ésaé a nlem wôé ôse. “Jam ése mi abo, bo’ane de a nlem ôse aval ane mi abo Yéhova, sa ke bôt.”​—Becolossien 3:23.