Amvôé mia Zambe d’adañ mbamba be mam bese be ne wo kui ényiñ. Zambe aye ye’ele wo aval avé ô ne nyiñ mevak été, teke nlem ô tyele yôp; aye bo na ô jô’é bivus mimbunan a mbia metum. E vô’ôlô meye’elan môé. E volô wo na nlem ô bômbô wo si a na ô bi ndi nlem. (Besam 71:5; 73:28) Zambe aye volô wo awolo ya minjuk. (Besam 18:18) E ve fe wo ényiñ ya nnôm éto.​—Beromain 6:23.

Aval wo subu Zambe bebé, nde fe w’aye subu bemvôé be Zambe bebé. B’aye bo bemvôé bôé. B’aye bo ane bendôm a bekale bôé. B’aye wo’o mvaé y’aye’ele wo mejô me Zambe, b’aye volô wo a ve wo ngule ya bo Zambe ésaé.

Bi nji bo nkôñ wua a Zambe. Éyoñ wo jeñ amvôé a Zambe, w’ayiane yem beta jam éziñ. Amvôé a Zambe é nji bo amvôé zañ bôt be ne nkôñ wua. Zambe a ne mvendé a bia a dañ fe bia fek a ngul. Nye a ne zôsôô Njôé wongan. Nde, nge bi ayi na bi bo bemvôé bé, bi ayiane vô’ôlô nye a bo mam a sili bia. Mam mete me ne asu mvo’é jangan.​—Esaïe 48:18.