David a nga wôé Goliath amu a mbe a too ndi a Yéhôva. (1Sa 17:45) Yéhôva a kômbô liti bebo bisaé bé abim avé a ne ngule ya su’u be. (2Mka 16:9) Aval avé ô ne liti na wo ye’ebe ki fe’e jôé a ngule jôé, ve na Yéhôva nnye ô too nye ndi? A mezene melal ma:

• Ye’elane mban. Sa ke ve asu na Yéhôva a jamé wo éyoñe ô boya jôm é ne abé, ve sili’i fe nye ngule ya bo te ku meve’ele me Satan. (Mt 6:12, 13) Te ye’elan ve asu na Yéhôva a botane mintyi’ane ô maneya nyoñ, sili’i fe nye fe’e jé ôsusua na wo nyoñe mintyi’an.—Jc 1:5

• Bo’o mbane ya lañe Kalate Zambe a yé’é nye. Lañe’e Bible môs ôse. (Bs 1:2) Nyoñe’ éyoñe ya bindi bive’ela bi ne Kalate Zambe a tôñe miñye’elane wo nyoñ été. (Jc 1:23-25) Kômesa’an ôsusua na wo kui nkañete, te buni womien, to’o ô jaéya zu wo bo ésaé éte. Wé kôme bu’ubane bisulane ya akônda nge wo taté kômesane bie

• Su’u nta’ane mame ya ékôane Yéhôva. Jeñe’e na ô yem mimfefé melebe ékôane Yéhôva ja ve bia a tôñe me avôl avôl. (Nb 9:17) Vô’ôlô fe melebe bemvendé ba ve a su’u mintyi’ane ba nyoñ.—Beh 13:17

YENE’E VIDÉO A NE NLÔ AJÔ NA: TE KO ÉTIBILA’A WOÑ, MVUSE YA VALÉ, YALA’ANE MINSILI MI:

• Jé é nga bo na bobejañ be taté ko woñ?

• Jé é nga volô be na be dañe woñe wop?