Bôte ba semene metiñe me Yéhôva mbe ba bu’uban mbamba élat a nye. (1P 1:14-16) Éyoñ beyé’é Bible ba dañe mbia mefulu map, nalé a volô be na be bi mbamba ényiñe nda bôt, mvo’é ya minsôn, a na be yeme belane moné.

Kôme’e timine be memvinda me Yéhôva; kate’e be amu jé a ve bia memvinda mete, liti fe be mfi bia bi éyoñe bia tôñe me. Nge ô volô be na be yene mam ane Yéhôva, dé bo tyi’ibi na be bo mintyéndan mia sili ényiñe jap. (Beép 4:22-24) Liti’i be na be ne dañe mbia fulu ase, to’o a nto be nyulu nyulu, amu Yéhôva a ne Zambe ya ngul ése. (Beph 4:13) Ye’ele be na be ji’a ye’elane Yéhôva éyoñ ése mbia minkômbane mia so be nlem. Volô’ô be na be yemelane mam me ne ji’a telé be meve’ele a sa’ale me. Liti’i be mfi ya bo mam ma soo be mevak, sa ke ma Zambe a vini. Nlem wo jaé bia a mevak éyoñ bia yen ane Yéhôva a volô beyé’é Bible na be bo mintyéndan mia sili ényiñe jap.

YENE’E VIDÉO A NE NLÔ AJÔ NA: VOLÔ’Ô BÔTE MIA BE BE MIA YÉ’É BIBLE NA BE DAÑE MBIA MEFULU, MVUSE YA VALÉ, YALA’ANE MINSILI MI:

• Aval avé bemvendé a Neeta ba te liti Jade na be too nye ndi?

• Aval avé Neeta a te beta su’u Jade?

• Aval avé Jade a te sili Yéhôva mvolan?