Ba jô na bôte bebaé be ne bemvôé “éyoñe nye’an a ésemé bia tindi be na be late ngbwa.” Éve’an é ne na, Jonathan ba David be nga taté ngul amvôé éyoñe David a nga wôé Goliath. (1Sa 18:1) Môt ase ya be be a mbe a bili mefulu me nga dutu nyô mbok. Asu na amvôé é libii, da sili na bemvôé be kôme yeman. Jam ete ke da sili abui éyoñ. Ve e beréseau sociaux, bôte ba kui na be bo “bemvôé” ve nné ane ba nambe vôm a ne na “confirmer.” Étua tyi’ibi na môt a liti asu afe internet, amu a bili éyoñe ya kôme ta’a bifia a tili, nge ke mam a liti bôte bevok. Ajô te da sili na bi kôme tabe ntyel éyoñ bia top bemvôé beréseau sociaux. Nge ô nji tu’a yeme môt, te ko woñe ya ben invitation a lôme wo. Bôte béziñe be nga jibi tyi’i na be ba belane ki belane beréseau sociaux éyoñ be nga yen bidim bise bia so été. Ve nge wo tyi’i na wo belane be, jé wo yiane ba’ale ôsimesan?

YENE’E VIDÉO A NE NLÔ AJÔ NA TABE’E NTYEL A BERÉSEAUX SOCIAUX, MVUSE YA VALÉ, YALA’ANE MINSILI MI:

• Jé wo yiane taté fas ôsusua na wo tili mam méziñ nge lôme befôtô?

• Amu jé wo yiane tabe ntyel éyoñe wo top bemvôé bôé beréseau sociaux?

• Amu jé wo yiane sé’é abim éyoñ wo lôte beréseau sociaux?—Beép 5:15, 16