Mbôle Yésus a nga soñe minga ya Samarie minlañ, nalé a nga volô na a kañete nye. Aval avé ô ne bo atyeñ éyoñ wo laan a beyeñ?

• Nyoñe’e be ane bemvôé bôé. Akusa bo a mbe nte’an, Yésus a nga sili minga ate ve mendime ya nyu, nalé a nga bo na minlañ mi taté. Wo fe ô ne taté a mebatan, ô ne kobô ajô ya aval môs ô né, nge ô ne ayôñ, nge avep, nge foé éziñ ô ndeme wôk. Te vuane na nsôñane wôé ô ne na mi taté minlañ, nde ñhe kobô’ô ajô ya mam me ne nambe nye. Nge a nji yalane wo, ô nji los jôm éziñ. Ô ne beta ve’ele a môt mfe. Ye’elane Yéhôva na a ve wo ayo’o nlem.​—Néh 2:4; Mam 4:29.

• Tabe’e nkômesane ya kañete éyoñ ése wo ye bi fane ya bo de, ve te bo ôjeja’a. Jô’é minlañ mi ke mvo’é. Nge wo bo ôjeja’a ya kañete nye, a ne wôk aval étam, a ne fe tyi’i minlañ étun. Te bili atek nge minlañ mia man ô teke bi fane ya kañete nye. Nge wo yen ayaé ya kañete atemetem, tame taté a nsôñane ya laane zezé minlan a môt. [Futi’i vidéo 1, a laan ajô ya vidéo ate.]

• Jeñe’e fane ya kañete. Ô ne kobô nye ajô ya mbunane wôé, nalé a ye tindi nye na a sili wo minsili. Yésus a nga kate minga ya Samarie étua jam éziñ, nalé a nga tindi nye na a sili nye minsili. Éyoñ Yésus a nga kañete nye benya mejôô, a mbe a yala’ane minsili mié. [Futi’i vidéo 2, a vidéo 3, mvuse ya valé laan ajô ya bevidéo bete.]