ÉNYIÑE BEKRISTEN
Enjeñané na bi bo atyeñ ésaé nkañete
AMU JÉ É NE MFI: Bôte ba yiane yé’é memvinda me Yéhôva a tôñe me asu na, be bo nye ésaé aval a nye’e. (És 2:3, 4) Kalate “Amour de Dieu,” a ne kalate baa bia belane nye asu meyé’é, a volô bôte bia be be bia yé’é na, be yen ane be ne tôñe miñye’elane ya Kalate Zambe ényiñe jap. (Beh 5:14) Bia yiane jeñe na bi nambe minleme mi bôt éyoñe bia ye’ele be, nalé a ye volô be na bebiene be yeme nyoñe mintyi’an.
AVALE BI NE BO:
-
Kôme’e kômesan. Nté wo kômesan, simesa’an mame me ne volô môte mia nye mia yé’é. Kômesa’ane fe minsili wo ye sili nye asu ya na ô yem aval a yene mame a yé’é.
—Min 20:5; be 259 -
Bela’ane minka’ale mi ne kalate été asu ya na, ô volô môte mia nye mia yé’é na, a yeme mfi ya tôñe miñye’elane ya Kalate Zambe ényiñe jé
-
Volô’ô môte mia nye mia yé’é na, a yeme nyoñe mintyi’an éyoñe jam da fombô mone môte ya nleme wé, ve te nyoñe mintyi’an asu dé.
—Beg 6:5 -
Jeñe na ô yem éyoñe môte mia nye mia yé’é a yiane ve mengule ya tôñe miñye’elane miziñe ya Kalate Zambe. A évôvoé ése, va’a nye ngule nyul na, a tyendé mefulu mé méziñ amu a nye’e Yéhôva.
—Min 27:11; Jn 14:31
