AMU JÉ NALÉ A NE MFI? Yéhôva a bo na benya mejôô be yaé minleme mi ‘bôte be tele été ja yian ényiñe ya melu mese.’ (Mam 13:48, MN; 1Bec 3:7) Bia saé nsamba a nye éyoñe bia ve ngule jangan ése na, bi kañete bôte ba liti na ba nye’e mame ba yé’é. (1Bec 9:26) Beyé’é Bible ba yiane tu’a wô’ô na, asu na môt a bi ényiñ, a yiane duban. (1P 3:21) Bia volô be na be bo beyé’é, éyoñe bia ye’ele be na, ba yiane tyendé, ba yiane kañete a ye’ele bôt, ba yiane fe ve bebien ngumba be Yéhôva.​—Mt 28:19, 20.

AVALE BI NE BO:

• Ba’alane bôte mia be be mia yé’é Bible na, nsôñane ya ayé’é ô ne na, be ‘yé’é yeme’ Yéhôva a ve nye nlem avak.​—Jn 17:3

• Volô’ô be na be yeme dañe minjuk ba tôbane mie, aval ane mbia mefulu a mbia mewoso, nge ba bo nalé, ba ye liti na ba yaé nsisim

• Va’a be ngule nyul ôsusua na ba duban, to’o éyoñe be maneya duban.​—Mam 14:22

YENE’E VIDÉO YÉHÔVA ZAMBE A YE VOLÔ WO, MVUSE YA VALÉ YALA’ANE MINSILI MI:

• Jé é ne bo na ñyé’é Bible a koo woñe ya duban?

• Aval avé bemvendé ya akônda be ne volô bôte ba yé’é Bible na be yaé nsisim?

• Jé kalate Ésaïe 41:10 a ye’ele bia a lat a Yéhôva?

• Mbamba mefulu mevé bia yiane bi nge bia yi na Yéhôva a wô’ô bia mvaé, to’o bi ne bebo mam abé?