AMU JÉ NALÉ A NE MFI? Miñwo’on a mintômba mife mia jô bôte mevale meva na, be “nyoñe’ mendime ya ényiñ zezé.” (Nli 22:17) Mendime mete me ne mam mese Yéhôva a bo asu na, bôte ba bo nye mewôk, be kôlô éto belo ya nsem a awu. Asu ya na bi volô bôt be bili metum a miñyebe mevale meva, bia yiane kañete “mbamba foé ya nnôm éto” avale da nambe môt ase ya be be.​—Nli 14:6.

AVALE BI NE BO DE:

• Tobô’ô nlô ajô a éfuse ja ye nambe bôte ya abôta nkañete dôé. Ô ne belane fatane nkañete, nge ke nlô ajô ô yeneya na wo nambe bôte. Minlô mejô mivé, nge ke bifuse bivé bôte ba nye’e? Ye bôt ba dañe kobô ajô éziñ é ndôme boban? Jam avé e ne dañe nambe fam, nge minga?

• Éyoñe wo ye laane bôt, te vuane mebatan a metum ya vôm ô too.​—2Bec 6:3, 4

• Mane yembane bekalate a bevidéo ya Bikpwelé bia ye’ele bie bôt, nalé a ye volô wo na ô belane bie tyi’ibi nkañete

• Limiti’i bekalate a bevidéo ya minkobô bôte ya abôta nkañete dôé ba kobô

• Bo’o atyeñe ya tyendé fatane nkañete jôé, na é lu’an a miñyiane mi mie nda. (1Bec 9:19-23) Bi tame jô na, wo te koone mie nda a bili awu, jé ô ne jô nye?

YENE’E VIDÉO, MVUSE YA VALÉ YALA’ANE MINSILI MI:

• Nkañete mbamba foé a te tobe nlô ajô ôvé asu na a taté minlañ?

• Nju’u ôvé mie nda a tôbane wô?

• Éfuse ya Bible évé é mbe é dañe mfi ya belane je éyoñ ete, a amu jé?

• Aval avé ô ne tyendé nkañete wôé asu ya na ô nambe bôte ya abôta nkañete dôé?