Bijôé ya émo bi jaéya zu bia volô bebo bisaé be Yéhôva. (Esd 6:1-12; Est 8:10-13) To’o melu mangane ma, bi yeneya ane “si,” nje é ne bôte ya ngovina ba yene mam avale da yian, ja min “ôsôé” ya étibila’a ja so bia be “dragon,” nnye a ne Satan Diable. (Nli 12:16) Abui biyoñ, Yéhôva, “Zambe . . . a ne nyii wongan,” a wô’ô tindi betebe ôsu ya ngovina na be volô bebo bisaé bé.​—Bs 68:20, Mfefé nkôñelan; Min 21:1.

Wo ye bo aya nge ba futi wo mimbôk amu wo kañe Yéhôva? Tabe’e ndi na Yéhôva a ye ba’ale wo. (Met 39:21-23; Bs 105:17-20) Yeme’e na Yéhôva a ye botane wo amu mbunane wôé, mbamba éve’ela wôé a ve bobenyoñe ya si ése ngule nyul.​—Beph 1:12-14; Nli 2:10.

YENE’E VIDÉO BA SUU BOBEJAÑE BE MBE MIMBÔ’Ô CORÉE, MVUSE YA VALÉ, YALA’ANE MINSILI MI:

• Mimbu mi ndeme lôte mi, amu jé betoyini be bobejañe ya Corée be nga ke mimbôk?

• Mintyi’an mivé éjôé é nga nyoñ asu na be ji’a suu bobejañe béziñ?

• Aval avé bi ne volô bobejañe bevo’o ya si ése be ne mimbôk éyoñe ji amu mbunane wop?

• Aval avé bia yiane belane mone fili ase bia bu’ubane nye den?

• Za a volô bia na bi kabe mejô mese bi kabeya?