Ataté mbu 2018, bekalate mefoé asu nkañete be nga taté na ba kui, kalate ase a bili ve nlô ajô wua, ataté metata’a akekui memane. Bia koone bekalate mefoé bete e bekalate bia ye’ele be bôt été. Ajô te, bi ne belane be nkañete. Bi ne fe belane be éyoñe bia ke dulu, nge ke éyoñe bi ne makit. Bi nji belane bekalate bete na, bi yé’é Bible a bôt, ve be ne volô bia na, bi ve môte nkômbane ya yeme mam mefe a lat a Zambe.

Éyoñ ô tatéya minlañ a môt, lañe’e nye éfus, mvuse ya valé, bela’ane nlô ajô a ne nye’e. Éve’an é ne na, nge a yale bon, nge ke na a tôbane njuk éziñ, ô ne jô nye na: “Me nga lañe mbamba nlô ajô a lat a été jôé. Ye me ne liti wo wô?” Nge ô yene na a nye’e minlañ mienan, to’o a ne éyoñ ôsu wo kañete nye, ô ne fe ve nye kalate mefoé nge lôme nye nye nkol. Nsôñane wongan ô nji bo na bi kabe bôte bekalate mefoé bangan, ve bekalate bete be ne volô bia na bi yene bôte ba kômbô bo mam ba yé’é.​—Mam. 13:48.