Ye ô ne zañe mimbu 23 a 65? Ye ô ne nkpwa’a mefan? Ye ô ne mvo’é minsôn, ye ô ne ngule ya ke kañete vôme bekañete mbamba foé ba jemban? Nge wo te yalane na ôwé minsili mite, ye ô faseya fo’o na ô jalé afep asu Sikôlô bekañete mbamba foé ya Éjôé? Ataté aba ôsu, betoyini beluk a minkoé mi bobejañ a besita mi tabeya sikôlô ate. Ve bia yi na abui minkoé mi bobejañ mi jalé mefep asu sikôlô ate. Ye’ela’ane Yéhôva na a nene nkômbane wôé ya ve nye nlem avak a vu Mone wé. (Bs 40:8; Mt 20:28; Beh 10:7) Mvuse ya valé, jeñe’e mezene ya sé’é mam mese me ne kamane wo na ô jalé afep ete.

Mimbé mivé mi yoo asu bobejañ a besita ba kui sikôlô ate? Be nga lôme bongô besikôlô béziñ bevôme ba kobô minkobô mife. Be lôme ba bevo’o na be ke bo nkañete ô ne ngum aval a meta’a bekalate beta bitison. Bongô besikôlô bevo’o ki be ne bijiane bejome mekônda, bejome mekônda nge ke bemissionnaire. Nté wo fase mam ô ne bo asu Yéhôva, ngo’o nge wo fe wo jô avale nkulu mejô Ésaïe a nga jô na: “Me nyô; lôme’ ma.”​—És 6:8.

YENE’E VIDÉO BEMISSIONNAIRE BA BO ÉSAÉ NKAÑETE JABE SI ÉSE, MVUSE YA VALÉ, YALA’ANE MINSILI MI:

• Aval avé ba tobe bemissionnaire?

• Aval avé bemissionnaire ba suk ésaé nkañete?

• Bibotane bivé bemissionnaire ba bi ésaé jap?