ÉNYIÑE BEKRISTEN
Yéhôva a yeme miñyiane miangan
Ôlo ô ne mewôk a fek wo ve bia bidi ‘éyoñe ja yian,’ nalé a liti na Yéhôva, nyô a tebele ôlo ôte, a yeme miñyiane miangane ya nsisim. (Mt 24:45) Beta bitôkane biangan a bisulane ya zañe sondô, bi ne mendem mefe ma liti de.
YENE’E VIDÉO ÉMO’O ASU ÑYE’ELAN JA KAT AVAL ÉSAÉ É NGA BOBANE MBU 2017, MVUSE YA VALÉ, YALA’ANE MINSILI MI:
-
Za a yiane nyoñe duma amu mbamba bidi ya nsisime bia bi beta bitôkan, amu jé?
-
Éyoñ évé nje émo’o ya Tin Ékôan asu ñye’elan ja taté na ja kômesan beta étôkan ya mbu ôvok?
-
Aval avé ba tobe minlô mejô ya beta bitôkan?
-
Beta ésaé mbé a bobane mfa’a ya kômesane beta bitôkan?
-
Aval avé émo’o asu ñye’elan ja belane fatane ñyé’ane Bible ya Galaad asu na é kômesane bisulane ya zañe sondô?
-
Aval avé abui bimo’o ya Tin Ékôan bia saé nsamba asu na bi kômesane kalate ésaé asu bisulan?
Wo wô’ôtan aya éyoñe wo yeme mame mese Yéhôva a ve bia asu na bi ba’ale mbunane wongane ngul?
