E kobô abui: Te wo buni na wo yiane mane timine mone jam ase. Yésus a nga belane minsili na a volô bôte na bebiene be fas a ve mbamba biyalan. (Mat 17:24-27) Minsili mia volô na, môte mia nye mia yé’é nye’e fe a kobô, mia volô fe wo na ô yem mam a buni, a nge a wô’ô jôm mia yé’é. (be 253 ¶3-4) Éyoñ ô siliya nsili, jibi’i akekui môt mia nye mia yé’é a ye ve éyalan. Nge a ve éyalan é nji bo mvo’é, te kate nye mbamba éyalan, bôône nye minsili mife asu na émien a kuli mbamba éyalan. (be 238 ¶1-2) Kobô aval é ne na ñyé’é Kalate Zambe a bo ngule ya yé’é mfefé jam.—be 230 ¶4.

E bo na ayé’é é bo ayaé ya wôk: Te jeñe na ô mane timine mam mese wo yem a lat a nlô ajô mia yé’é. (Jn 16:12) Jeñe na ô dañe yemete ve éyalane ya abeñ. (be 226 ¶4-5) Mame mefe, ja’a ma me ne bo mfi, me ne bo na môt a bo teke ba’ale miñye’elane wo dañe mfi abeñe te. (be 235 ¶3) Éyoñe ñyé’é kalate Zambe a wô’ôya ñye’elane wo dañe mfi, kelek abeñ da tôé.

E jeñe ve na ô man ayé’é ése: Nsôñane wongan ô ne na bi nambe nleme môt, sa ke na bi man ayé’é. (Luc 24:32) Bela’ane ngule ya Mejô me Zambe asu na ô yemete bifuse bia dañe mfi éfase mia yé’é. (2Bec 10:4; Beh 4:12; be 144 ¶1-3) Bela’ane bive’ela bi ne tyi’ibi ya wôk. (be 245 ¶2-4) Yemelan minjuk mi ñyé’é Kalate Zambe, a mam a buni, asu na ô yeme volô nye éyoñ mia yé’é. Sili’i avale minsili di: “Wo yene mame wo yé’é ma aya?” “Mam mete ma liti wo na Yéhôva a ne avale môt avé?” “Mfi ôvé ô ne bi nge wo tôñe melebe ma?”—be 238 ¶3-5; 259 ¶1.