BO’O ÉSAÉ NKAÑETE NYA MBOONE | YENE’E AVA’A YA BO BÔTE BEYÉ’É
Bela’ane bikpwelé Tin ékôan ja ve bia
Asu na bi yeme ye’ele Mejô mé, Yéhôva a ve bia bikpwelé ane bevidéo, betract, minsoé mi kalate, bekalate, a Kalate Zambe, nnye ate a dañe bikpwelé bise bivok. (2Tim 3:16) A ve fe bia bikpwelé bia volô na bi vune bekalate bangan asu na bi yem atinane ya bifuse biziñe ya Bible. Été bia lañe Watchtower Library, JW Library® application, Bibliothèque en ligne™, a Guide de recherche Bengaa be Yéhôva.
Wé bi abui mevak nge wo nyoñ éyoñe ya belane bikpwelé bite asu na o fa’a Bible. Ye’ele bôte mia be be mia yé’é Bible na be yeme fe belane bie. Jam ete dé volô na bebiene be yene biyalane ya minsili miaba tyi’ibi.
YENE’E VIDÉO A NE NLÔ AJÔ NA, YENE’E AVA’A YA BO BÔTE BEYÉ’É—KAÑESE’E MVOLANE YÉHÔVA—BELA’ANE BIKPWELÉ TIN ÉKÔAN JA VE BIA , MVUSE YA VALÉ YALA’ANE MINSILI MI:
-
Jade a sôan ajô ya ntéane biôm a jô’ô aya?
-
Ékpwelé évé ja te volô Neeta na a yeme faé Jade éfufup?
-
Bia bi abui avak éyoñ bia some bidima bi mame Bible a éyoñe bia liti bie bôte bevok
Aval avé Neeta a te tobe nlô ajô wo fombô miñyiane mi Jade?
-
Neeta a te wô’ô aya amu a te belane bikpwelé Tin ékôan ja ve bia?
