Yéhôva a belane bobejañ a besita ya si se na a volô bia. (1P 5:9) Bobejañe bete ba su’u bia asu na ésaé nkañete é wulu bia mvo’é. Paul émien a nga bi avale mvolan ete. Bôt ane Aquilas ba Priscille, Silas, Timothée, akeke, be nga su’u nye ésaé nkañete.​—Mam 18:1-5.

Aval avé bobejañ be ne su’u wo ésaé nkañete? Be ne liti wo jam ô ne bo éyoñe môt a bo ane a titane wo, a aval ô ne tu’a yeme bo minjoman a meyé’é. Ye wo yeme mojañ éziñ a ne volô wo asu ngume jame nkañete? Kele’e yene nye a sili nye mvolan. Nge ô bo de, mia nye bebaane mia ye bi abui avak.​—Beph 1:25.

YENE’E VIDÉO A NE NLÔ AJÔ NA, YENE’E AVA’A YA BO BÔTE BEYÉ’É​—KAÑESE’E MVOLANE YÉHÔVA​—BOBENYAÑ BANGAN , MVUSE YA VALÉ YALA’ANE MINSILI MI:

• Aval avé Neeta a te jeñe na a volô Jade na a tabe bisulan?

• Amu jé bia yiane kee bobejañe befe meyé’é mangan?

• Amu jé Jade ba mema Esta ba wô’an?

• Jé nkañete mbamba foé mfe a ne ye’ele wo a lat a ésaé nkañete?