Ngon awôm a jia jé bo ngum aval, amu bii bo ôbane nkañete na bi kate môt ase na mfefé émo ô nto bebé. (Bs 37:10, 11; Nli 21:3-5) Taté’é na wo kômesan asu na ô kôme nyoñe ngab a ôbane nkañete ôte. Ô ne nyoñ ésaé nkpwa’a mefane ya étun éyoñ tañe mewolo 30 nge 50 ngon éte.

Kômesa’an bifuse bia kobô ajô mfefé émo, a jeñe na ô lañe bie abui bôt. Jeñe bifuse bi ne nambe minlem mi bôte wo kañete. Nge môt a liti na a nye’e minlañ, va’a nye Nkume mmombô a bete No. 2 ya mbu 2021. Mvuse ya valé, jeñe na mia nye mi ja’a taté ayé’é a nsoé kalate Bu’uban ényiñ nnôm éto! Ngo’o beta mvome na bia bia kañete “mbamba mefoé ya mvaé”!​—És 52:7.

YENE’E VIDÉO YA ABEÑE JIA É NE NLÔ AJÔ NA, E MFEFÉ ÉMO WO ZU, MVUSE YA VALÉ YALA’ANE MINSILI MI:

• Aval avé mone mona minga ya vidéo a yen ényiñe jé ya melu ma zu?

• Jé wo kômbô bo mfefé émo?

• Aval avé ndi nleme jôé é ne volô wo na ô yeme kômesan asu beta ôbane nkañete ya Ngon awôm a jia?​—Lc 6:45