Atata’a ya anjeñe mefoé dangan é bili abeñe minlô mejô a bevidéo da nambe mbamba be bôte be nji bo Bengaa be Yéhôva. (Mml 13:48) Mame mete ma ngôné ajô ya minlô mejô mia kui mefoé nge ke mi bôte ba fas a kobô.

Aval avé ô ne belan atata’a ya jw.org ésaé nkañete jôé?

• Bo’o mbane ya ke anjeñe mefoé dangan. Jeñe’e na ô yeme minlô mejô mia kui a bela’ane mie asu na ô laan a môt éziñ. (Asu na ô yene minlô mejô mi ndeme kui anjeñe mefoé dangan, nambe’e vôm a ne na, “Mam mefe.”) Nge ô bo mbane ya yeme mame me ndeme kui anjeñe mefoé dangan, nalé a ye bo na ô bi minlô mejô mife asu ésaé nkañete jôé.

• Bela’ane minlô mejô a bevidéo be ne atata’a ya anjeñe mefoé dangan na ô taté minlañ a bôt. Ékpwelé éte é ne bo na ô yeme mame bôte ya abôta nkañete dôé ba fas.

• Liti’i bôt atata’a ya anjeñe mefoé dangan. Kobô’ô ajô minlô mejô miziñ a liti’i môt aval émien a ne bo asu na a yene mam a jeñ anjeñe mefoé dangan.

• Lôme’e bôte lien ya anjeñe mefoé dangan. Bôte béziñe ba ko woñe ya laan a bia, ve ba kañese ke anjeñe mefoé dangan. Ajô te, te ko woñe ya lôme bôte ba vô’ôlô wo lien ya atata’a nge ke nyi ya nlô ajô éziñe nge vidéo éziñe ya anjeñe mefoé dangan.