Minju’u mivé wo tôbane mie môs ôse ya yôp? Ye ô ne ntebe ôsu ya nda bôt a yeme a abui mimbe’e? Ye wo yale bone bôé étam? Ye ô ne ésoé ja tôbane ékpwe’ele sikôlô? Ye ô ne ntutuñ nge ke na ô ntoo nnôm? Môt ase a tôbane minjuk. Abui Bekristen da tôban abui minju’u fifiti. Ve bia yeme na, ana’ana Yéhôva a zu mane vaa minju’u mite mise.​—2Bec 4:16-18.

Bia bi ngule nyul éyoñ bia simesane na, Yéhôva a tu’a yem minju’u bia tôbane mie, na a ne meva’a ya yen ane bia jibi mie a ke ôsu a wulu nye ba’aba’a, a na a ye botane bia. (Jr 29:11, 12) Yésus fe a nyoñe ngap a bia. Nté bia ke ôsu a bo nye ésaé, a bo bia ngaka’a a jô’ô bia na: “Ma ye tabe be mia.” (Mt 28:20) Éyoñ bia tebe mone nté a bindi éto fili bia ye bu’ubane je Éjôé Zambe si, ndi nleme jangan ja yem, a bia bi ngule ya ke ôsu a jibi minju’u bia tôbane mie den.​—Bero 8:19-21.

YENE’E VIDÉO A NE NLÔ AJÔ NA, NTÉ ÔKÔS WO ZU, KELAN ÔSU A TÔÑE YÉSUS!, MVUSE YA VALÉ, YALA’ANE MINSILI MI:

• Aval avé émo é ne mvasan mfa’a ya ényiñe Zambe, a nalé a so jé?

• Bibotane bivé bia yange bôte ba wulu ba’aba’a a Yéhôva?

• Jé ja ye ve be fane ya bi bibotane bite?

• Bibotane bivé ya mfefé émo ô ne ôjeja’a ya bi?